Էլեկտրական էներգիայի թանկացման հայտը հիմնավորված է: Այս մասին այսօր՝ մայիսի 13-ին, լրագրողների հետ հանդիպման ժամանակ նշել է Էներգետիկայի եւ բնական պաշարների նախարար Երվանդ Զախարյանը:
«Այլ բան է սակագնի բարձրացման չափը: Այդ հարցը պետք է լուծի հանրային ծառայությունները կարգավորող հանձնաժողովը, թե որքանով է հայտը հիմնավորված»,-ասել է նախարարը:
Զախարյանը կարծում է, որ այս կամ այն պատճառով սակագնի ժամանակին ճշգրտումն օգտակար պրակտիկա է, եւ ճիշտ կլինի այն կատարել ամեն տարի:
Հիշեցնենք, որ ներկայումս բնակչության համար էլէներգիայի սակագինը կազմում է 41,85 դրամ մեկ կվ/ժամի համար (ցերեկային) եւ 31,85 դրամ (գիշերային): ՀԷՑ-ն առաջարկում է սակագինը բարձրացնել մինչեւ 58 եւ 48 դրամի՝ համապատասխանաբար:
