Կանանց համար լավագույն երկրների վարկանիշում Դանիան առաջին տեղն է զբաղեցրել: Վարկանիշը կազմել է US News & World Report-ը եւ ներկայացրել Դավոսի Համաշխարհային տնտեսական համաժողովում: Ըստ Gazeta.ru-ի, Դանիան առաջ է մղում գենդերային հավասարության քաղաքականությունը:
Երկրորդ տեղում Շվեդիան է: Երկու սեռի ներկայացուցիչներն էլ հակված են կանանց ընկալել որպես ճնշված խմբի, եւ շվեդ գործիչները, թվում է, միջոցներ են ձեռնարկում այս հարցի լուծման ուղղությամբ:
Երրորդ հորիզոնականում Կանադան է, որը կանանց իրավունքների պաշտպանությունը ներքին եւ արտաքին քաղաքականության մաս է դարձրել: Չորրորդ տեղում Նիդեռլանդներն է՝ առողջապահության, կրթության, տնտեսության եւ քաղաքականության ոլորտներում գենդերային խտրականության կրճատմանն ուղղված համեմատաբար լավ աշխատանքի համար:
Հնգյակը եզրափակում է Ավստրալիան, որտեղ վերջին տարիներին ավելի ու ավելի շատ կանայք են ղեկավար պաշտոններ զբաղեցնում, այդ թվում՝ համալսարաններում եւ կառավարությունում: Միաժամանակ, սակայն, ավստրալացի կանայք ստիպված են 66 օր ավելի աշխատել, որպեսզի տարեկան ստանան նույնքան, որքան նրանց տղամարդ-գործընկերները: