News
Լրահոս
News
Երկուշաբթի
Հոկտեմբեր 21
USD
476.34
EUR
530.17
RUB
7.45
ME-USD
0.08
Տեսնել լրահոսը

«Վերածնունդ» երիտասարդական ավանի ծրագրի շահառուները բողոքում են ծրագրի պայմանների փոփոխությունից, որի հետեւանքով շատերի համար մատչելի բնակարաններ անմատչելի են դարձել:

Բանն այն է, որ «Վերածնունդ» ավանը պետք է կառուցվեր «Մատչելի բնակարան՝ երիտասարդ մասնագետներին» ծրագրի շրջանակներում, որն իրականացնում է «ԵՊՀ շրջանավարտների միավորում» ՀԿ-ն: Ծրագրի ղեկավարը ՀԿ նախագահ, սպորտի եւ երիտասարդության հարցերի նախկին փոխնախարար Արսեն Քարամյանն է, իսկ Միավորման հոգաբարձուների խորհրդի նախագահը՝ Սերժ Սարգսյանը:

«Վերածնունդ» թաղամասում բնակարան ձեռք բերելու համար դեռեւս 1․5 տարի առաջվանից հերթագրվել են տարբեր բնագավառների1050 մասնագետներ, սակայն հոկտեմբերի 20-ին տարածված հայտարարությամբ, ծրագրի շահառուներին հիփոթեքային վարկեր հնարավոր է տրամադրել միայն «Երիտասարդ ընտանիքին` մատչելի բնակարան» պետական ծրագրի շրջանակում: Այսինքն ծրագիրը փոխվում է եւ 1,5 տարի սպասող շահառուներից շատերը դուրս են մնում ծրագրից, քանի որ առաջարկվող ծրագրի չափանիշներին չեն համապատասխանում, նաեւ առաջարկվող պայմաններն են տարբեր:

Մասնավորապես, «Մատչելի բնակարան՝ երիտասարդ մասնագետներին» ծրագրով շահառուները պետք է պարտադիր մասնագետ լինեն, ունենան մշտական աշխատանք, ընտանեկան կարգավիճակը կարեւոր չէ: Այս ծրագրով մարդիկ նախօրոք հերթագրվում էին միայն նորակառույց շենքերում բնակարան գնելու համար, ընդ որում՝ շենքերը չկառուցված՝ արդեն հիպոթեքային վարկեր էին ստանում, մարումներ կատարում:

Իսկ ահա «Երիտասարդ ընտանիքին` մատչելի բնակարան» պետական ծրագրով շահառու հանդիսացողներն անպայման պետք է ամուսնացած լինեն, ընդ որում, ամուսնական զույգերի գումարային տարիքը չպետք է գերազանցի 70-ը, եթե միայնակ են՝ ապա 35-ը:

ԵՊՀ շրջանավարտների միավորման՝ հոկտեմբերի 20-ին հրապարակած հայտարարությունում նշվում է, որ ՀՀ Կենտրոնական բանկի և առևտրային բանկերի հետ մեր երկարատև բանակցությունների արդյունքում Երևան քաղաքի Մոնթե Մելքոնյան 44 հասցեում կառուցվող «Վերածնունդ» երիտասարդական ավանի բնակարանների շահառուներին հիփոթեքային վարկեր հնարավոր է տրամադրել միայն «Երիտասարդ ընտանիքին` մատչելի բնակարան» պետական նպատակային ծրագրի շրջանակում, որի պայմանները ներկայացված են հետևյալ հղմամբ:

Ստացվում է, որ Կենտրոնական բանկը հրաժարվել է վերաֆինանսավորել «Մատչելի բնակարան՝ երիտասարդ մասնագետներին» ծրագիրը:

Ստեղծված իրավիճակի վերաբերյալ ՀՀ վարչապետ Նիկոլ Փաշինյանը հայտարարել, է, որ ինքը Լիբանանում է եղել, երբ մի նամակ է ստացել այդ թեմայով. «Վրդովվելու անհրաժեշտություն չկա, եթե անարդար է, կնայենք, կշտկենք, կուղղենք»,-ասել է նա:

Իր հերթին պարզաբանում է ներկայացրել նաեւ ԿԲ-ն, որը իր երկար մեկնաբանության  մեջ ներկայացրել է «Երիտասարդ ընտանիքին՝ մատչելի բնակարան» պետական նպատակային ծրագրի պայմանները, ապա հավելել. «Սա հնարավորություն է տալիս հասարակության ավելի լայն զանգվածներին ունենալու հավասար հնարավորություններ առաջարկվող հիփոթեքային ծրագրերից օգտվելու համար, այլ ոչ թե ստեղծել արհեստական արտոնություններ որոշ մասնագիտությունների ներկայացուցիչների համար միայն»:

Նշենք, որ նախօրեին «Վերածնունդ» ավանի շահառուների մի խումբ փակ հանդիպում է ունեցել «ԵՊՀ շրջանավարտների միավորում» ՀԿ նախագահ Արսեն Քարամյանի հետ: Նրանցից շատերը ստեղծված իրավիճակի համար մեղադրում են հենց «ԵՊՀ շրջանավարտների միավորում» ՀԿ-ին, քանի որ հենց ՀԿ-ից են ամիսներ շարունակ շահառուներին հավաստիացրել, որ ծրագիրն անխափան իրականացվելու է:

Արսեն Քարամյանը ներկայացրել է իրավիճակը եւ ԿԲ-ի հետ բանակցությունները: Նա ավելի վաղ նշել է, որ «Վերածնունդ» թաղամասում բնակարան ձեռք բերելու համար հերթագրված 1050 շահառուից շուրջ 35-40 տոկոսը չի հարմարվի նոր իրողություններին:

Ներկայումս «Վերածնունդ» ավանի շահառուները մտածում են նամակով դիմել ՀՀ վարչապետին ու ներկայացնել իրավիճակը բոլոր մանրամասնություններով: Քննարկվում է նաեւ բողոքի ակցիաներ անելու տարբերակը:

Թե ինչպես կհանգուցալուծվի խնդիրը, այս պահին դժվար է ասել, սակայն 1,5 տարի բնակարանի սպասող 1050 շահառուները, ըստ էության, էլի որոշ ժամանակ կմնան անորոշության մեջ:

Չի բացառվում, որ այս խնդրում կա նաեւ քաղաքական բաղադրիչ, քանի որ «Մատչելի բնակարան՝ երիտասարդ մասնագետներին» ծրագիրն իրականացնում է մի կազմակերպություն, որի հոգաբարձուների խորհրդի նախագահը Սերժ Սարգսյանն է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մհեր Գրիգորյանը շնորհակալություն է հայտնել ԱՄՀ-ին Հայաստանին աջակցելու համար
Հանդիպման ընթացքում երկուստեք կարեւորվել է այս տարվա մայիսին ԱՄՀ գործադիր խորհրդի կողմից հաստատված ծրագիրը…
Ավտոմաքսատունը Գյումրի տեղափոխելու տնտեսական էֆեկտը արդեն զգացվում է. Շուշան Ներսիսյան
Էն փաստը, որ այսօր տարբեր ավտոներմուծող կազմակերպություններ արդեն իսկ տարածքներ են վարձել…
Սահմանվել է վերահսկողություն կերակրի աղի նկատմամբ․ ՍԱՏՄ
Նշենք, որ հանրային սննդի օբյեկտները, սննդի արտադրությամբ զբաղվող կազմակերպությունները կամ անհատ ձեռնարկատերերը պարտավոր են Հայաստանի…
Գյումրիի Հյուսիսային ավտոմաքսատանը 30 հոգի արդեն ընդունվել են աշխատանքի, մնացածը Երեւանից են գալու. ՊԵԿ տեղակալ
ՊԵԿ տեղեկալը հավելեց, որ Գյումրիի աշխատակիցներն ընտրվել են գիտելիքների հիման վրա…
Երբ կսկսի գործել Գյումրիի նոր ավտոմաքսատունը․ պարզաբանում է ՊԵԿ նախագահի տեղակալը
Աշխատանքներն ընթանում են աննկարագրելի թափով…
«Ստվերի դեմ պայքարում աննախադեպ ծավալի հաջողություններ ունենք, բայց դա առավելագույնը չէ». ՀՀ վարչապետ
Վարչապետը նաեւ հավելեց, որ տնտեսական աճի եւ ակտիվության խթանումն ունի ոչ միայն ֆինանսական բաղադրիչ, այլ հոգեբանական բաղադրիչ...