Ճապոնիայի ոստիկանությունը կալանավորել է երեք մարդու, ովքեր կասկածվում են սուշի ահաբեկչության մեջ, հայտնում է The Guardian-ը։

Բոլոր երեք կալանավորվածենրը պատկանում են սուշի ռեստորանների այցելուների նույն թիմին։ Նրանք կասկածվում են հիգիենայի եւ հասարակական կարգի կանոնները խախտելու մեջ՝ կապված սոցիալական ցանցերում վերջերս տեղի ունեցած ֆլեշմոբի հետ, որի ժամանակ օգտատերերը գալիս են կոնվեյերային սուշի ռեստորաններ (կայտեն ձուսի) եւ փչացնում ուրիշի ուտելիքը։

Կալաավորվածներից մեկը 21-ամյա երիտասարդ է, որը Նագոյա քաղաքի Kura Sushi կայտեն ձուսի ռեստորանում սոյայի սոուսի ընդհանուր շշից ենթադրաբար մեկ կում է խմել։ Ոստիկանները բերման են ենթարկել նաեւ 19-ամյա տղայի եւ 15-ամյա աղջկա. նրանք կասկածվում են շշից խմած երիտասարդին 10 վայրկյան տեւողությամբ տեսանյութը ցանցում տարածելու հարցում օգնելու մեջ։