ԱՄՆ Մինեսոտա նահանգի բնակչին մեղադրանք է առաջադրվել մանկական սեռական ոտնձգությունների համար նախկինում դատապարտված տարեց տղամարդուն մահացու ծեծի ենթարկելու համար, ով, տղամարդու կարծիքով, նախկինում անհանգստացրել է իր փոքրիկ դստերը։
27-ամյա Լեւի Աքսթելին մեղադրանք է առաջադրվել 77-ամյա Լոուրենս Սքալիի երկրորդ աստիճանի սպանության համար, որը տեղի է ունեցել չորեքշաբթի օրը Գրանդ Մարի իր տանը:
Նշվում է, որ Աքսթելը սպանել է Սքալիին բահով եւ իշայծյամի եղջյուրով, այնուհետեւ մեքենայով գնացել է Քուք շրջանի շերիֆի գրասենյակ եւ խոստովանել հանցանքը, հայտնում է Minneapolis Star Tribune-ը:
Ուրբաթ օրը կայացած նիստում Աքսթելի գրավի չափը սահմանվել է 1 միլիոն դոլար:
Փաստաբան Դենիս Շոուն նիստի ժամանակ նշել է, որ Աքսթելը մինչ այժմ չունի քրեական լուրջ պատմություն, եւ Գրանդ Մարի հետ նրա երկարամյա կապերը նվազագույնի են հասցրել նրա փախուստի վտանգը։
Աքսթելը այժմ Քուք շրջանի բանտում է: Հաջորդ դատական նիստը նշանակվել է ապրիլի 10-ին։
2018-ին Աքսթելը պնդում էր, որ Սքալլին հետապնդել է իր 22 ամսական դստերը եւ մյուս երեխաներին, որոնք եղել են Գրանդ Մարի իր մանկապարտեզի մոտ կայանված մեքենայում:
Տղամարդը դիմել է պաշտպանական հրամանի համար, որը տրվել է, բայց հետո շաբաթների ընթացքում չեղարկվել է, ըստ դատական փաստաթղթերի:
1979 թվականին Սքալլին դատապարտվել է Մինեսոտա նահանգի Կանաբեկ կոմսությունում՝ 6-ամյա աղջկա նկատմամբ սեռական ոտնձգություն իրականացնելու համար։ Նա բանտից դուրս է եկել 1982 թվականին։