նախընտրելի դարձնելԵրեւան – Մեղրի ավտոճանապարհի 159-րդ կմ-ում (Սարալանջ գյուղի հատվածում), մայիսի 5-ին տեղի է ունեցել ավտովթար:
Հայաստանի ԱԻՆ փրկարար ծառայությունից NEWS.am-ին հայտնում են, որ դեռեւս չբացահայտված հանգամանքներում «Օպել Վեկտրա» մակնիշի 17 ՍՏ 870 համարանիշի ավտոմեքենան դուրս է եկել ավտոճանապարհի երթեւեկելի մասից եւ շրջվել:
Վթարի հետեւանքով ավտոմեքենայի վարորդ` 29-ամյա Կ. Հակոբյանը, ուղեւորներ` 23-ամյա Ս. Գրիգորյանը եւ 30-ամյա Ա. Մոսիկյանը տարբեր աստիճանի մարմնական վնասվածքներով տեղափոխվել են Վայք քաղաքի կենտրոնական ԲԿ, իսկ մյուս ուղեւորներ` 30-ամյա Ժ. Աղասարյանը, 12-ամյա Սոնա Մոսինյանը եւ 22-ամյա Արամ Համբարձումյանը տեղում ստացել են առաջին բուժօգնություն:
Բժիշկների կողմից տուժածների առողջական վիճակը գնահատվել է բավարար:
