նախընտրելի դարձնելՀուլիսի 14-ին, ժամը 23.30-ին, «ՎԱԶ-2106» մակնիշի ավտոմեքենան Սեբաստիայի եւ Շահումյանի 4-րդ փողոցների խաչմերուկում բախվել է «ՎԱԶ-2107» մակնիշի ավտոմեքենայի: Բախման հետեւանքով «ՎԱԶ-2107»-ի վարորդը եւ ուղեւորուհին մարմնական վնասվածքներով տեղափոխվել են հիվանդանոց:
Ոստիկանության լրատվության վարչությունից հայտնում են, թե հուլիսի 15-ին, ժամը 14.30-ին, անհայտ ավտոմեքենայի վարորդը Երեւանի Նալբանդյան փողոցի թիվ 50 շենքի մոտ վրաերթի է ենթարկել 65-ամյա մի տղամարդու, որը մարմնական վնասվածքներով տեղափոխվել է հիվանդանոց:
Հուլիսի 15-ին, ժամը 20.30-ին, «Ռենո» մակնիշի ավտոմեքենան Երեւան-Մեղրի ճանապարհի 223-րդ կմ-ին բախվել է «Մերսեդես Բենց» մակնիշի ավտոմեքենայի: «Մերսեդես Բենց»-ի ուղեւորուհին մարմնական վնասվածքներով տեղափոխվել է հիվանդանոց:
Հուլիսի 15-ին, ժամը 22.20-ին, Երեւան-Գյումրի ճանապարհի 69-րդ կմ-ին «ՎԱԶ-2106» մակնիշի ավտոմեքենան բախվել է «Դեյվու Նեքսիա» մակնիշի ավտոմեքենայի: Պատահարի հետեւանքով «Դեյվու Նեքսիա»-ի 2 ուղեւորները մարմնական վնասվածքներով տեղափոխվել են հիվանդանոց:
Հուլիսի 16-ին, ժամը 22.20-ի սահմաններում, «ԳԱԶ-31029» մակնիշի ավտոմեքենան Արգել-Նոր-Գեղի ճանապարհի 2-րդ կմ-ին բախվել է «Տոյոտա» մակնիշի ավտոմեքենայի: «Տոյոտա»-ի ուղեւորը մարմնական վնասվածքներով տեղափոխվել է հիվանդանոց:
Հուլիսի 16-ին, ժամը 22.30-ին, «Հոնդա» մակնիշի ավտոմեքենան Կապան քաղաքի Հունան Ավետիսյան փողոցում բախվել է ճամփեզրի ծառին, ինչի հետեւանքով 2 ուղեւորները ստացել են մարմնական վնասվածքներ եւ տեղափոխվել հիվանդանոց:
Բոլոր դեպքերով կատարվում է քննություն:
