Գյուղատնտեսության նախարար Սերգո Կարապետյանը երեւի մոռացել է այս տարի օրհնել տալ հայոց խոտհարքները: Այդ մասին գրում է «Հրապարակ» թերթը:

«Բերքից չդժգոհող գյուղացին այս տարի մեկ այլ մեծ հոգս ունի` խոտ չկա: Խոտի մեկ «տուկը» եթե մինչ այս արժեր հիսուն դրամ, հիմա հասել է առասպելական գների: Գյուղացիները պնդում են, որ ստիպված են լինելու իրենց անասուններն աշնանը մորթել-ծախել ջրի գնով, այլապես ձմռանը կսատկեն: Խոտ չլինելու պատճառը կլիմայական է. այս տարվա հուլիսը շատ տաք էր, ասպարեզ ելան ոչ միայն հայաստանյան բոլոր օձերը, այլեւ խոտը վաղաժամ մշրվեց-թափվեց»,- գրում է «Հրապարակը»: