Բազմասեր Առաքելյանը Ձյունանուշի կերպարով իրենց տանը կցանկանար տեսնել աշխարհի ամե

NEWS.am-ի «Ամանորյա բլիցի» հարցերին պատասխանել է «Բարգավաճ Հայաստան» խմբակցության պատգամավոր Բազմասեր Առաքելյանը:

Որտե՞ղ եք անցկացնում Ամանորը եւ ո՞ւմ հետ:

Իմ ծննդավայրում՝ ընտանիքիս, ընտրողներիս հետ:

Ամանորի սեղանին Ձեր նախընտրելի ուտեստը:

Շատ եմ սիրում մորս պատրաստած թփով տոլման:

Քանի «բոնբոնեռկա» եւ կոնյակ եք գնում ամանորյա այցելությունների համար:

Ես «բոնբոնեռկա» եւ կոնյակ չեմ տանում, իմ բաց հոգով մտնում եմ ցանկացած տուն:

Ամանորի սեղանի Ձեր ծախսը քանի՞ ամսվա աշխատավարձն է կազմում:

Ես մեր տան ծախսից խաբար չեմ, ծնողներս են ծախս անում:

Ամանորի գիշերը հանրությանը հայտնի մարդկանցից առաջինը ո՞ւմ եք զանգում:

Իմ կուսակցության ղեկավարին, իմ ընկերոջը:

Ձմեռ պապի՞ն եք հավատում, թե՞ Ձյունանուշին:

Ձյունանուշին:

Ամանորի գիշերը Ձյունանուշի կերպարով ո՞ւմ կցանկանայիք տեսնել ձեր տանը:

Աշխարհի ամենասիրուն աղջկան:

Ո՞վ է նա:

Իմ կինը:

Եթե Ձեր ցանկությունն իրականցնելու համար Ձմեռ պապը պահանջեր, որ երգեիք, ի՞նչ կերգեիք:

Ռաբիս:

Ի՞նչ կենդանու եք Ձեզ նմանեցնում եւ ինչո՞ւ:

Ինձ նմանեցնում եմ սեւ լուսանի, որովհետեւ այդ կենդանուն շատ եմ սիրում:

Ինգա Մարտինյան