նախընտրելի դարձնել
Մինսկի խմբի համանախագահներ Իգոր Պոպովը (Ռուսաստան), Ժակ Ֆորը (Ֆրանսիա) եւ Ջեյմս Ուորլիքը (ԱՄՆ) հաջորդ շաբաթ Բեռնում կհանդիպեն ԵԱՀԿ գործող նախագահ, Շվեյցարիայի արտգործնախարար Դիդիե Բուրկհալտերի հետ: Այս մասին տեղեկացնում է Trend-ը՝ վկայակոչելով դիվանագիտական աղբյուրը:
Տեղեկատվության համաձայն՝ հանդիպմանը կքննարկվի ղարաբաղյան հիմնախնդրի խաղաղ կարգավորման գործընթացը: Դիվանագիտական աղբյուրը նաեւ հույս է հայտնել, որ Հայաստանի եւ Ադրբեջանի արտգործնախարարների հերթական հանդիպումը կկայանա այս ամսվա վերջին:
Հիշեցնենք, ԵԱՀԿ-ում ընթացիկ տարում նախագահում է Շվեյցարիան:
