նախընտրելի դարձնել
Ֆրանսիայում նույնասեռականների ամուսնություններն օրինականացնող օրենքի ընդունումից ի վեր այդպիսի շուրջ 7 հազար ամուսնություն է գրանցվել:
2013-ի մայիսից մինչեւ 2014-ի հունվար ընկած ժամանակահատվածում 238 հազար ամուսնություն է գրանցվել, որոնցից շուրջ յոթ հազարը՝ նույնասեռական զույգերի:
Ինչ վերաբերում է սեռերի բաշխմանը, ապա ամուսնացող ամեն հինգ զույգերից երեքը երկու տղամարդկանց միություն են եղել, հայտնում է «ՌԻԱ Նովոստին»՝ վկայակոչելով ֆրանսիական վիճակագրության Insee ինստիտուտը:
Հիշեցնենք, նույնասեռականների ամուսնությունների օրինականացումը սոցիալիստ նախագահ Ֆրանսուա Օլանդի նախընտրական խոստումներից էր:
Չնայած դրա դեմ ուղղված բողոքի ցույցերին, մայիսի 18-ին ֆրանսիայում նույնասեռականների ամուսնություններն օրինականացնող օրենք էր ընդունվել, իսկ ամսի 29-ին երկու տղամարդկանց ամուսնություն էր գրանցվել Մոնպելյեում:
Այդկերպ Ֆրանսիան ԵՄ-ի նույնասեռականների ամուսնություններն օրինականացրած վեցերորդ երկիրն է դարձել ՝ Նիդեռլանդներից, Բելգիայից, Դանիայից, Շվեդիայից եւ Իսպանիայից հետո:
