Իսրայելի զինուժի կողմից Գազայի հատված օգնություն տանող մարդասիրական նավերի վրա հարձակումը առիթ է հանդիսացել, որ Ստամբուլում կազմակերպվեն հակաիսրայելական բողոքի ակցիաներ:

Թուրքական Radikal-ի փոխանցմամբ` Ստամբուլում մոտ 300 հոգի փորձել են ներխուժել Իսրայելի հյուպատոսություն, որի ընթացքում բախում է տեղի ունեցել ոստիկանության եւ ցուցարարների միջեւ: Շատ արագ հավաքվածների քանակը անցել է 3 հազարը:  Ցուցարարները  Իսրայելի հյուպատոսության առջեւ վանկարկել են հակաիսրայելական կարգախոսներ, քարկոծել հյուպատոսության շենքը եւ այրել Իսրայելի դրոշը:  Դեպքի վայր են ժամանել մեծաքանակ ոստիկանական ուժեր: