նախընտրելի դարձնելԱմերիկացիների ռեկորդային ցածր՝ 44%-ն է լավ վերաբերվում ԱՄՆ նախագահ Բարաք Օբամային, հայտնում է The Washington Post-ը՝ հրապարակելով Կոնգրեսի ընտրությունների նախաշեմին անցկացված հարցման արդյունքները:
Ստացված արդյունքը (44%) միջին ցուցանիշ է հարցաշարի 6 կետերի համար:
Հարցումն անցկացվել է հեռախոսով՝ 1204 չափահաս ամերիկացիների շրջանում: Սխալի հավանականությունը կազմում է 3%:
Ըստ աղբյուրի` Օբամայի հավանական ընտրողների «խիստ վատ» վերաբերմունքի տոկոսն ավելի բարձր է, քան «խիստ լավինը»` 36% եւ 24% համապատասխանաբար: Բարաք Օբամային լավ կառավարիչ են համարում 45%-ը, ուժեղ առաջնորդ են անվանում 46%-ը: Նույնքան մարդ էլ ասում է, որ նա հասկանում է շարքային մարդկանց խնդիրները:
Օբաման խիստ ցածր ժողովրդականություն է վայելում Հանրապետական կուսակցության ներկայացուցիչների շրջանում: Նրա քաղաքականությանը համաձայն չէ պատասխանողների 84%-ը: Անկախ ընտրողների մոտ բացասական վերաբերմունքը գերակշռում է դրականին` 55% եւ 38% համապատասխանաբար:
