նախընտրելի դարձնել
ՃՈ-ն հանրային քննարկման է ներկայացրել Հանրապետության հրապարակում երթեւեկության փոփոխության իր առաջարկը:
Այս առնչությամբ ոստիկանության տարածած հաղորդագրության մեջ ասվում է.
«Հարգելի քաղաքացիներ, ՀՀ ոստիկանության «Ճանապարհային ոստիկանություն» ծառայությունը Երեւան քաղաքի Հանրապետության հրապարակի հատվածում, ճանապարհային երթեւեկության բարելավման նպատակով, կատարել է համապատասխան ուսումնասիրություններ, որի արդյունքում առաջարկել է հրապարակում առավելություն տրվի շրջանաձեւ երթեւեկության հատվածում գտնվող տրանսպորտային միջոցներին:
Կատարված նախնական հաշվարկները ցույց են տալիս, որ փոփոխությունը կբարելավի Հանրապետության հրապարակի եւ հարակից փողոցների երթեւեկությունը՝ մասնավորապես կվերանան տրանսպորտային միջոցների հապաղումները եւ խցանումները հրապարակի շրջանաձեւ երթեւեկության հատվածում:
Հանրային քննարկմանն ենք ներկայացնում Հանրապետության հրապարակի ներկայումս գործող եւ առաջարկվող երթեւեկության կազմակերպման սխեմաները:
Առաջարկում ենք ներկայացվող փոփոխության վերաբերյալ ձեր դիտողություններն ու առաջարկությունները հասցեագրել [email protected] էլեկտրոնային հասցեին»:
