նախընտրելի դարձնել
2016 թվականի ընթացքում ՀՀ ոստիկանությունում հրավիրվել են ոստիկանության կարգապահական հանձնաժողովի 9 նիստեր, որոնց ընթացքում Հանձնաժողովի կողմից քննարկվել են ոստիկանության 43 ծառայողների վերաբերյալ իրականացված ծառայողական քննությունների 35 նյութեր:
ՀՀ ոստիկանության ներքին անվտանգության վարչությունից NEWS.am-ին հայտնում են, որ նիստերի ընթացքում Հանձնաժողովը որոշել է միջնորդել ՀՀ ոստիկանության պետին՝ 8 ծառայողների նկատմամբ կիրառել «նկատողություն», 5 ծառայողների նկատմամբ` «խիստ նկատողություն», 29 ծառայողների նկատմամբ` «ոստիկանությունից ազատում» կարգապահական տույժերը եւ 1 ծառայողի նկատմամբ ՀՀ ոստիկանության Երեւան քաղաքի վարչության շտաբում իրականացված ծառայողական քննության նյութն ուղարկել ՀՀ ոստիկանության ներքին անվտնագության վարչություն` նոր քննության:
