Թուրքիայի Մարդին քաղաքում մոտ 100 հոգուց բաղկացած խումբը չարտոնված հավաք է արել եւ երթ անցկացրել, որի ընթացքում ոստիկանության հետ բախում է տեղի ունեցել։

Թուրքական Radikal-ի փոխանցմամբ՝  PKK-ի առաջնորդ Աբդուլլահ Օջալանի օգտին կարգախոսներ հնչեցրած խմբին փորձել է ցրել ոստիկանությունը՝ օգտագործելով արցունքաբեր գազ եւ ջրցան մեքենաներ։  Ցուցարարները իրենց հերթին սկսել են  քարերով պատասխանել ոստիկաններին։

Ոստիկանները հետապնդելով փախչող ցուցարարներին, բերման են ենթարկել նաեւ 5 տարեկան մի երեխայի, որի պատճառով խիստ լարված իրավիճակ է ստեղծվել Մարդինում, քանի որ քաղաքացիները պահանջում են ազատ արձակել երեխային։

Ոստիկանությունը երեխային ազատ արձակել պահանջող քաղաքացիների նկատմամբ եւս ջրցան մեքենաներ եւ արցունքաբեր գազ է օգտագործել։