Իտալական  Shark Shiеld ընկերության աշխատակիցներն առաջարկել են եգիպտացիներին շնաձկներին սարսափեցնող վահան դնել Շարմ-էլ-Շեյխ եգիպտական առողջարանում, գրում է «Կոմսոմոլսկայա պրավդա» թերթը:

Համակարգի հիմնական արժանիքն այն է, որ այն խնդիրներ չի հարուցում նավերի եւ նավակների, նաեւ լողորդների համար, բայց միաժամանակ հուսալի պաշտպանում է ջրային տարածքը շնաձկների տեսակներից:

Shark Shiеld վահանի հատուկ դաշտը կազդի բացառապես գիշատիչների վրա՝ նրանց վրա լիցք ուղարկելով: Շրջակա միջավայրի վրա այն այլ ազդեցություն չի ունենա: Այսօրվա դրությամբ նման սարքեր են դրված ՀԱՀ-ի եւ Ավստրալիայի ափերին:

Ինչպես ավելի վաղ հայտնել էր NEWS.am-ը, վերջին շրջանում Շարմ-էլ-Շեյխում շնաձկների մի քանի հարձակումներ են արձանագրվել հանգստացողների վրա: Տուժել էին մի քանի ռուսաստանցիներ, իսկ մի գերմանուհի մահացել էր: