Ապրիլի 6-ին Իսրայելի եւ Գազայի հատվածի սահմանին պաղեստինցիների եւ իսրայելցի զինվորների միջեւ նոր բախումներ են տեղի ունեցել: Հարյուրավոր պաղեստինցի ցուցարարներ անվադողեր են այրել եւ սկսել են քարեր նետել սահմանային պարիսպից այն կողմ գտնվող իսրայելցի զինվորականների ուղղությամբ, փոխանցում է DW- ը:

Ըստ AFP-ի՝ մեկ պաղեստինցի է մահացել, մոտ 40 մարդ վիրավորվել է: Իսրայելական բանակն իր թվիթերյան միկրոբլոգում անկարգությունների համար մեղադրել է «Համաս»-ին եւ հայտնել է, որ շարժման կողմնակիցները շարունակում են անվադողեր այրել: Բանակում նաեւ հայտնել են, որ սահմանամերձ տարածքները «փակ ռազմական գոտի» են հայտարարվել:

Ներկայումս բախումների զոհերի ընդհանուր թիվը, ըստ տարբեր աղբյուրների, 19-ից 22 պաղեստինցի է, ընդ որում, ավելի քան 1400 մարդ վիրավորվել է: