նախընտրելի դարձնել
Հունիսի 8-ին մեր մոլորակը նշում է Օվկիանոսների համաշխարհային օրը։
Օվկիանոսները զբաղեցնում են Երկրի մակերեսի երեք քառորդը, պարունակում են ջրային պաշարների 97 տոկոսը ու կայուն զարգացման գործընթացի անբաժան մասն են։ Համաշխարհային օվկիանոսի դերակատարումը կլիմայի կարգավորման գործում դժվար է գերագնահատել, քանի որ դրա ջրերը ածխաթթու գազի գլխավոր կլանիչներից է:
2018-ի օրվա թեման. պլաստիկ թափոնների աղտոտման դեմ պայքար եւ օվկիանոսի առողջությունը ապահովելու համար լուծումներ: Պլաստիկ աղտոտումը ծովային էկոհամակարգերի անթույլատրելի վնաս է հասցնում:
Պլաստիկ թափոնների 80 տոկոսը օվկիանոսում հայտնվել է ցամաքից:
Ամեն տարի օվկիանոսներում 8 մլն տոննա պլաստիկ է հայտնվում:
Պլաստիկ աղտոտման հետեւանքով տարեկան մեկ միլիոն ծովային թռչուն եւ 100 հազար կաթնասուն է սատկում:
Մեր սեղանին գտնվող ձուկը պլաստիկ է ուտում:
Պլաստիկ աղտոտման տնտեսական վնասը տարեկան կազմում է 8 միլիարդ դոլար:
