նախընտրելի դարձնել
Դեպքեր են լինում, որ տնտեսվարողները ապրանքների գնումների ժամանակ մրցույթ են շահում, բայց մրցույթից հետո մեկ այլ ապրանք են մատակարարում. Օրինակ կարագի մրցույթ են շահում, բայց դրա փոխարեն սփրեդ են մատակարարում: Այս մասին այսօր՝ նոյեմբերի 24-ին, լրագրողների հետ հանդիպման ժամանակ նշեց ՏՄՊՊՀ նախագահ Արտակ Շաբոյանը:
«Կամ խթացրած կաթի մրցույթ են շահում, բայց կաթ պարունակող մթերք են մատակարարում: Նրանք անբարեխիղճ մրցակցություն են հանդիսանում եւ մուտքի խոչընդոտ են ստեղծում բարեխիղճ տնտեսվարողների համար»,-ասաց նա:
Շաբոյանը նկատեց, որ ուսումնասիրությունները ցույց են տալիս, որ դեպքեր են լինում, որ պատվիրատուները՝ պետական մարմինները, մրցութային հրավերներով կոնկրետ ապրանքների անուններ են գրում, ըստ որի մրցույթը շահում է այն ընկերությունը, որն արտադրում է կոնկրետ այդ ապրանքը. «Նաեւ դեպքեր են լինում, որ ապրանքի տեխնիկական բնութագրերն այնքան նեղ են գրվում, որ պետական մարմինը էլի մտքում ունի որեւէ կոնկրետ տնտեսվարողի»:
Շաբոյանը նշեց, որ այս տարի 93 խնդրահարույց մրցույթ է բացահայտել:
