նախընտրելի դարձնել
Սյունիքի մարզի Թխկուտ գյուղում մարտի 28-ին հրդեհ է բռնկվել, որի հետեւանքով այրվել են 10 ծառ եւ 1000 քմ մակերեսով խոտածածկ տարածք:
Հայաստանի ԱԻն փրկարար ծառայությունից NEWS.am-ին հայտնում են, որ դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 16.36-ին, մարվել`17.12-ին:
Նույն օրը՝ժամը 20.34-ին, հրդեհ է բռնկվել Երեւան-Սեւան ավտոճանապարհի 23-րդ կիլոմետրում գտնվող Ջրաբերի ավազահանքի հարակից տարածքում:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 20.57-ին, մարվել`21.12-ին:
Այրվել են 1000 քմ մակերեսով խոտածածկ տարածք. եւ մասամբ՝ 20 պտղատու ծառ:
Նույն օրը, երեկոյան հրդեհ է բռնկվել նաեւ Արագածոտնի մարզի Կարբի գյուղում:
Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 22.00-ին, մարվել`22.10-ին:
Այրվել են 3 հա խոտածածկ տարածք եւ 1 հա նորատունկ այգի:
