նախընտրելի դարձնել
Ակնկալվում է, որ երեքշաբթի Apple ընկերությունը կներկայացնի 5G այֆոնների երկար սպասված «աստղային» մոդելների շարքը, հաղորդում է AFP-ը:
«Մենք համարում ենք, որ iPhone-ը կներկայացնի իրենից Քուքի (Apple-ի ղեկավար) ապրանքատեսակների ամենաակնառու շարքը եւ Apple-ի զարգացման պատմության մեջ նոր էջ կբացվի»,-հայտարարել է վերլուծաբան Դան Իվսը:
Վերլուծաբանների կարծիքով՝ ժամանակն է, որ Apple-ը շուկայում ներկայացնի 5G ցանցով iPhone-ը:
«Apple-ն այժմ 5G-ի կարիքը շատ ունի: Ոչ թե ԱՄՆ-ի, այլ Չինաստանի համար, որտեղ 5G-ով են պայմանավորված գնումները»,-համարում է վերլուծաբան Ավի Գրինգարտը:
Փորձագետի խոսքով՝ ընկերության որոշ մրցակիցներ արդեն թողարկել են 5G մոդելներ, ընդ որում՝ Չինաստանը շատ ավելի առաջ է ԱՄՆ-ից, երբ խոսքը վերաբերում է նոր սերնդի ցանցերի մասին:
