նախընտրելի դարձնել
Հուսով եմ, որ 2021-ն արդյունավետ կլինի պրեմիերաների առումով: Մենք արդեն առնվազն 4 ներկայացում ենք նախատեսել, որոնք շատ տարբեր կլինեն միմյանցից: Այս մասին փետրվարի 19-ին լրագրողների հետ հանդիպմանն ասաց Գ.Սունդուկյանի անվան ազգային ակադեմիական թատրոնի տնօրեն Վարդան Մկրտչյանը` ներկայացնելով գալիք տարվա ծրագրերը:
Տնօրենը նշեց, որ թատրոնը հրավիրել է նաեւ ամերիկացի թատերական ռեժիսոր Ջոն Բլոնդելին, ով Սանտա Բարբարայի թատրոնի գեղարվեստական ղեկավարն է, ինչպես նաեւ` տեղի թատերական համալսարանի պրոֆեսոր:
«Ներկայացումը կբեմադրի մեր թատրոնի գեղարվեստական ղեկավար Արման Էլբակյանը: Այս պահին աշխատանքներ են տարվում թատերական այլ ներկայացումների ուղղությամբ, որոնք իրականացնում է Դավիթ Հակոբյանը»,- հայտնեց Մկրտչյանը:
Նա հայտարարեց առաջիկա պրեմիերայի մասին, որը միայն մեկ անգամ է ներկայացվել հանդիսատեսի դատին: Խոսքը «Դեկամերոն» ներկայացման մասին է, որը կյանքի է կոչել Լիլի Էլբակյանը:
Բացի այդ, թատրոնի տնօրենի խոսքով, հանդիսատեսի սպասարկման որակը եւս էապես կփոխվի: Մասնավորապես, Հայաստանի կառավարության ֆինանսական աջակցությամբ անցյալ տարվա ամռանը վերանորոգվել են զուգարանները: Դրանք, ըստ Մկրտչյանի, հասցվել են ժամանակակից մակարդակի եւ լիովին համապատասխանում են 21-րդ դարի պահանջներին:
«Այս զուգարանները կսպասարկեն ոչ միայն հանդիսատեսին, այլ նաեւ արտիստներին»,- ասաց Ազգային ակադեմիական թատրոնի տնօրենը:
Փոփոխությունները ծառայությունների մատուցման ոլորտում, ինչպես նշեց Մկրտչյանը, կշարունակվեն նաեւ ապագայում:
