նախընտրելի դարձնել
Մերձմոսկովյան Բալաշիխայի այրվող առեւտրի կենտրոնում մասամբ փլուզվել է տանիքը, «ՌԻԱ Նովոստի»-ին ասել է արտակարգ իրավիճակների ծառայության ներկայացուցիչը։
«Տեղի է ունեցել շենքի տանիքի (900 քառակուսի մետր մակերեսի չափով) փլուզում», տեղեկացրել են ԱԻՆ Մոսկվայի մարզի գլխավոր վարչությունում։
«Ստրոյպարկ» առեւտրի կենտրոնում հրդեհն սկսվել է երկուշաբթի առավոտյան։ Սկզբում այրվել են բաց տարածքում գտնվող շինանյութերը, հետո կրակն անցել է առեւտրի կենտրոնի շենք։
Տուժել է մեկ մարդ՝ մինչեւ հրշեջների գալը կրակը հանգցնել փորձող պահապանը։ Տղամարդը վերին շնչուղիների այրվածքներ էր ստացել։
Առեւտրի կենտրոնի աշխատակիցները տարհանվել են։
Մոսկվայի մարզի Քննչական կոմիտեն հրդեհի պատճառների հետաքննություն է սկսել, քրեական գործ է հարուցվել
