նախընտրելի դարձնել
Ցանցում հայտնվել են դեռ չթողարկված Tesla Cybertruck էլեկտրական պիկապի լուսանկարները, որոնք նոր մանրամասներ են բացահայտում մեքենայի մասին, հայտնում է Electrek-ը։
Առաջին անգամ նկարները հայտնվել են Cybertruck Owners Club-ի կայքում։ Ըստ Electrek-ի, դրանք, ըստ երևույթին, պատրաստվել են նավահանգստում կամ Tesla-ի փորձարկման վայրերից մեկում:
Էնտուզիաստների համար մեծագույն հետաքրքրություն են ներկայացնում էլեկտրական մեքենայի շարժիչի հատվածի լուսանկարները: Ըստ նրանց՝ կարելի է հասկանալ, որ Tesla-ն այժմ փորձարկում է Cybertruck-ի՝ երկշարժիչ էլեկտրական տեղադրմամբ տարբերակը։ Սպասվում են նաև միաշարժիչ և եռաշարժիչ մոդիֆիկացիաներ։
«Տարբեր տարբերակներ կարող են փորձարկվել, բայց պարզության համար Tesla-ն սովորաբար կենտրոնանում է առաջին հերթին նոր մեքենայի մեկ տարբերակ արտադրելու վրա: Սա կարող է նշանակել, որ առաջինը վաճառքում կհայտնվի Cybertruck-ի երկշարժիչային տարբերակը»,- գրում է Electrek-ը:
Միևնույն ժամանակ ցանցում են հայտնվել նաև Cybertruck-ի ինտերիերի մանրամասն նկարները: Դրանք թույլ են տալիս առաջին հայացքից նայել մեքենայի նստատեղերի հետևի շարքին: Արտաքինից դրանք շատ ընդարձակ կլինեն և ոտքերի համար բավականաչափ տարածք կունենան:
