նախընտրելի դարձնել
[Երևան, 18 հոկտեմբերի] Ինեկոբանկն իր բիզնես պրոդուկտներով և բիզնեսի զարգացմանն ուղղված ֆինանսավորման լուծումներով Mantashyants Global Expo 2024 ցուցահանդեսի մի մասն է և հրավիրում է բոլոր բիզնես ներկայացուցիչներին, գործընկերներին և բիզնես հետաքրքրություններ ու գաղափարներ ունեցողներին իր կանաչ գոտիներ։
Հոկտեմբերի 18-ին և 19-ին Մերիդիան էքսպո կենտրոնում գործարար համայնքի ներուժը, ձեռքբերումներն ու հեռանկարները մեկտեղող Mantashyants Global Expo 2024 միջոցառմանը Ինեկոբանկը ներկայացնում է ֆինանսավորման հարմարավետ գործիքակազմ, որը միտված է ապահովել բիզնեսների շարունակական զարգացումը։
Ինեկոբանկի Կորպորատիվ բիզնեսի տնօրեն Արտյոմ Չիչյանը նշում է, որ բանկը մշտապես կարևորում է մեր երկրում բիզնես միջավայրի ձևավորմանն ու բիզնեսների զարգացմանն ուղղված բոլոր նախաձեռնությունները և իր գործունեությամբ ձգտում նպաստել այդ գործընթացներին։ Mantashyants Global EXPO 2024-ն այս առումով հրաշալի առիթ է գործարար համայնքի ներկայացուցիչների հետ մեկ հարկի տակ հանդիպելու և նրանց հետաքրքրություններին ավելի անմիջական մթնոլորտում ծանոթանալու համար։
«Մեր մասնակցությունն այս էքսպոյին հնարավորություն է տալիս ոչ միայն ներկայացնել մեր ֆինանսավորման շահավետ առաջարկները՝ ուղղված յուրաքանչյուր բիզնեսի նպատակներին, այլև՝ անմիջականորեն շփվել մեր ներկա և պոտենցիալ գործընկերների և գործարար համայնքի ներկայացուցիչների հետ, ծանոթանալ նրանց ֆինանսական հետաքրքրություններին ու կարիքներին»,- ասում է Արտյոմ Չիչյանը։
Ինեկոբանկն առաջարկում է ֆինանսավորման լայն հնարավորություններ, ներառյալ՝ էներգախնայողությանը և վերականգնվող էներգիային ուղղված արտոնյալ պայմաններով ֆինանսավորում, տնտեսության արդիականացմանն ուղղված սուբսիդավորման ծրագրերի շրջանակում վարկերի, լիզինգների տրամադրում, միջազգային երաշխիքների, ակրեդիտիվների թողարկում, որոնք կարող են օգնել ինչպես խոշոր, այնպես էլ փոքր և միջին ձեռնարկություններին հասնել իրենց բիզնես նպատակներին կայուն զարգացման ճանապարհով։
«Ներկայումս մեծ ուշադրություն ենք դարձնում «կանաչ» նախագծերի ֆինանսավորմանը, որը ենթադրում է կազմակերպությունների էներգաարդյունավետությանն ու արդիականացմանն ուղղված ներդրումներ։ Նման ներդրումները խթանելու նպատակով Ինեկոբանկը համագործակցում է միջազգային առաջատար ֆինանսական կազմակերպությունների հետ և կիրառում լավագույն փորձն այդ ծրագրերն ապահովելու համար»,- հավելում է Ա․ Չիչյանը։
Էքսպոյի ողջ ընթացքում Ինեկոբանկի կանաչ գոտիներում այցելուները կարող են տեղում ծանոթանալ բանկի ծառայություններին և օգտվել աննախադեպ առաջարկներից իրենց բիզնեսներն ընդլայնելու և գաղափարները կյանքի կոչելու համար։
