նախընտրելի դարձնել
Լատվիան Ուկրաինայի զինված ուժերին է ուղարկել եւս 1 500 մարտական անօդաչու թռչող սարք։ Այս մասին հայտնել է երկրի պաշտպանության նախարար Անդրիս Սպրուդսը Х-ում։
Սպրուդսը հայտնել է, որ Լատվիայից Ուկրաինա է ուղարկվում եւս 1500 մարտական անօդաչու թռչող սարք։
«Երկու լատվիական ընկերություն անօդաչու սարքերի միջազգային կոալիցիայի շրջանակում այս տարվա առաջին կիսամյակում Ուկրաինա ընդհանուր առմամբ 12 հազար անօդաչու թռչող սարք կմատակարարի՝ 17 մլն եվրո արժողությամբ»,- ասել է նա։
Ինչպես հայտնի է, կոալիցիան՝ Մեծ Բրիտանիայի եւ Լատվիայի գլխավորությամբ, գործարկվել է 2024թ. հունվարին՝ անօդաչու թռչող սարքերի ոլորտում Ուկրաինայի հնարավորություններն ուժեղացնելու նպատակով։
Մարտի 24-ին հայտնի է դարձել, որ «դրոնների կոալիցիան» 20 մլն եվրո է հատկացրել համատեղ ֆոնդից այն բանի համար, որ գնվեն մարտավարական մակարդակի հետախուզական դրոններ (ISR) Ուկրաինայի պաշտպանության ուժերի համար։
