Ռազմական հակահետախուզության գլխավոր վարչության աշխատակիցները ձերբակալել են ռուսաստանցի գնդապետ Ռոման Ֆրոլենկոյին՝ Ռուս-վենեսուելական առևտրային պալատի նախագահին, և նրա «կազակների խումբը»։

Վերջիններս 2025 թվականի մայիսի 8-ին «Լա Պիեդրիտա» զինված խմբավորման հետ համատեղ, պատգամավորների և իշխանամետ թիկթոքերի ներկայությամբ, Վենեսուելայի մայրաքաղաք Կարակասում բացել են Անհայտ զինվորի հուշարձանը, հայտնում է տեղական Infobae լրատվամիջոցը։

Ինչպես նշում է լրատվամիջոցը, Կարակասում նշված միջոցառմանը գնդապետ Ֆրոլենկոյի ներկայությունն առաջացրել Վենեսուելայում Ռուսաստանի դեսպան Սերգեյ Մելիք-Բաղդասարովի բողոքը, որը համարել է, որ կազակների առաջնորդը յուրացնում է իր ներկայացուցչական գործառույթները։

Վենեսուելական հակահետախուզությունը, սովորականի նման, առանց որևէ օրդերի խուզարկություն է անցկացրել Ֆրոլենկոյի տանը, որը նա օգտագործում էր որպես իր շտաբ-բնակարան Կարակասի Սան Բերնարդինո թաղամասում, գրում է Infobae-ն։