Նյու Յորքի Ներքին Մանհեթենում բռնկված բողոքի ակցիան ընդդեմ Ներգաղթի և մաքսային վերահսկողության ծառայության (ICE) արագորեն վերաճել է Նյու Յորքի ոստիկանության դեմ բողոքի ցույցերի, հայտնում է ABC 7-ը։

Ըստ ոստիկանության աղբյուրի, երբ ցուցարարները դուրս են եկել փողոց, ավելի քան 20 մարդ բերման է ենթարկվել։

Տասնյակ ցուցարարներ մի քանի ժամ շարունակ գտնվել են Ներքին Մանհեթենի Ֆեդերալ Պլազա հրապարակում՝ իրենց անհանգստությունը հայտնելով ICE-ի կողմից իրականացվող ձերբակալությունների վերաբերյալ։

Ցուցարարներից ոմանք հայտարարել են, որ չեն պատրաստվում անմասն մնալ, երբ իրենց հարևաններին ձերբակալում են ԱՄՆ նախագահ Դոնալդ Թրամփի վարչակազմի ագրեսիվ ներգաղթային միջոցառումների շրջանակում։

Բողոքի ակցիան սկսվել է ուրբաթ օրը Մանհեթենի Դաշնային դատարանի շենքում տեղի ունեցած ձերբակալությունից հետո։ ICE-ի գործակալները ձերբակալել էին մի տղամարդու այն բանից հետո, երբ նրա ներգաղթային գործը փակվել էր։

Ներքին անվտանգության նախարարությունը պնդում է, որ Դոմինիկյան Հանրապետությունից Խոակին Ռոսարիո Էսպինալն ԱՄՆ-ում գտնվել է անօրինական կերպով։ Ըստ գերատեսչության հայտարարության՝ ձերբակալության ժամանակ նա դիմադրություն է ցույց տվել և հարվածել սպային։

Հիշեցնենք, որ նմանատիպ բողոքի ցույցեր են բռնկվել նաև Կալիֆոռնիայում։ ԱՄՆ նախագահը հուշագիր է ստորագրել նահանգում 2000 ազգային գվարդիական տեղակայելու մասին։