Նախընտրելի
Ռուսաստանյան նավթի մատակարարումը Չինաստան՝ Ղազախստանով անցնող խողովակաշարով, հարցականի տակ է դրվել «Ռոսնեֆտի» դեմ ԱՄՆ պատժամիջոցների պատճառով, հաղորդում է RTVI-ն՝ հղում անելով Ղազախստանի նավթի և գազի ոլորտի աղբյուրներին։
«Ռոսնեֆտը» Ատասու-Ալաշանկոու խողովակաշարով տարեկան 10 միլիոն տոննա նավթ է մղում Արևմտյան Սիբիրի հանքավայրերից Չինաստան։ Ազգային խողովակաշարային համակարգի օպերատոր «Կազտրանսօյլը» 2023 թվականին կնքված պայմանագրի շրջանակում տարանցման յուրաքանչյուր տոննայի համար 15 դոլար է ստանում։
Այդ մատակարարումների ապագան կախված կլինի ԱՄՆ ֆինանսների նախարարության որոշումից, որը հոկտեմբերին արգելափակող պատժամիջոցներ է սահմանել «Ռոսնեֆտի» դեմ և արգելել է նրա հետ բոլոր գործարքները։ Ղազախստանի էներգետիկայի նախարարությունը հարցում է ուղարկել Վաշինգտոն՝ պարզաբանումներ ստանալու նոր պայմաններում գործելու եղանակի վերաբերյալ։
Եթե ԱՄՆ ֆինանսների նախարարությունը ընդհանուր արտոնագիր տրամադրի և խողովակաշարն ազատի պատժամիջոցներից, մատակարարումները կշարունակվեն նույն ծավալով, հայտնում են RTVI-ի աղբյուրները։ Եթե արտոնագիրը չտրվի, Ղազախստանը կկանգնի ընտրության առաջ՝ կամ դադարեցնել տարանցումը, կամ վտանգել «Կազտրանսօյլ»-ի դեմ երկրորդական պատժամիջոցների կիրառումը։
ԱՄՆ-ի և ԵՄ ներկայացուցիչների հետ բանակցություններում Ղազախստանի ղեկավարությունը «հատուկ ընդգծել է, որ երկիրը պետք է կատարի նախկինում ստանձնած միջազգային պարտավորությունները, և արևմտյան գործընկերներնըմբռնումովենմոտենում այդ դիրքորոշմանը», - ասում է RTVI-ի աղբյուրը։ Արտոնագիրը ստանալուց հետո «Ռոսնեֆտ»-ի և Ղազախստանի միջև վճարումները՝ 150 միլիոն դոլար, ստիպվածկլինեն փոխարկել ազգային արժույթների։
Չինաստանը ռուսական նավթի մեծ մասը գնում է ծովով՝ օրական 1-1,5 միլիոն բարել։ ԱՄՆ պատժամիջոցներից հետո պետական Sinopec և PetroChina ընկերությունները, ինչպես նաև մասնավոր վերամշակման գործարանները սկսել են հրաժարվել այդ մատակարարումներից։ Kpler-ի գնահատականներով՝ ռուսական նավթի չինական ներմուծումը նոյեմբերին կարող է նվազել 36%-ով՝ հասնելով օրական 926 հազար բարելի։
Kpler-ի վերլուծաբան Յոհաննես Ռաուբալի գնահատմամբ՝ պատժամիջոցների պատճառով Չինաստան օրական մատակարարվող 300 հազարից մինչև 400 հազար բարելն է վտանգված։ Պետական չինական նավթավերամշակման գործարանները, ըստ նրա, սովորաբար պահպանողական մոտեցում են ցուցաբերում պատժամիջոցների ռիսկի նկատմամբ, մինչդեռ մասնավոր նավթավերամշակման գործարանները կարող են վերադառնալ ռուսական բարելներին՝ զգալի զեղչերի պատճառով։
Ռաուբալը նշում է, որ Չինաստանը, ամենայն հավանականությամբ, կվերսկսի Ռուսաստանից գնումները նախկին ծավալներով, սակայն միջնորդների միջոցով՝ մի սխեմա, որն արդեն փորձարկվել է. «Եթե բարելները մատակարարվում են երրորդ կողմի առևտրային կազմակերպությունների միջոցով, որոնք կարող են հուսալիորեն ապացուցել, որ դրանք «Ռոսնեֆտ»-ը կամ «Լուկոյլ»-ը չեն, ապա նավթավերամշակման գործարանները կարող են շարունակել զեղչեր ստանալ մատակարարումներից, ինչը կսահմանափակի պատժամիջոցների տակ գտնվող կապերի տեսանելիությունը»։
