Նախընտրելի
Չորեքշաբթի դոլարը փոքր-ինչ ամրապնդվել է ԱՄՆ նախագահ Դոնալդ Թրամփի հայտարարություններից հետո, որ նա գոհ է ամերիկյան արժույթի վերջին թուլացումից, հաղորդել է AFP-ն։
Միեւնույն ժամանակ, տեխնոլոգիական ընկերությունների բաժնետոմսերը շարունակել են աճը այս շաբաթ ոլորտում երկար սպասված կորպորատվ հաշվետվողականության սեզոնի նախօրեին։
Թրեյդերները նաեւ ուշադիր հետեւում են Դաշնային պահուստային համակարգի վերջին նիստին՝ հույս ունենալով ազդանշաններ ստանալ ապագա տոկոսադրույքների ծրագրերի վերաբերյալ ԱՄՆ նախագահի քաղաքականության շուրջ անորոշության պայմաններում, հատկապես նոր սակագներ սահմանելու նրա վերջին սպառնալիքներից հետո։
Այս շաբաթ դոլարը թուլացել է բոլոր մակարդակներում՝ այն հաղորդագրություններից հետո, որ Նյու Յորքի Դաշնային պահուստային համակարգը կապ է հաստատել շուկայի մասնակիցների հետ՝ իենի փոխարժեքը քննարկելու համար։ Սա ենթադրություններ է առաջացրել, որ ԱՄՆ-ը եւ Ճապոնիան կարող են պատրաստ լինել համատեղ արժութային ինտերվենցիայի։
Այս ֆոնին սրվել են հրահրվել են շահարկումներ, որ Սպիտակ տունը դեմ չէ դոլարի թուլացմանը: Երեքշաբթի Թրամփը չի փարատել այդ կասկածները, երբ նրան հարցրել են, թե արդյոք մտահոգված է դոլարի անկմամբ։
«Ոչ, կարծում եմ՝ դա հիանալի է»,- Այովայում լրագրողներին ասել է նա, երբ դոլարը եվրոյի նկատմամբ հասել էր չորսուկես տարվա ամենացածր մակարդակին եւ իենի նկատմամբ իջել երկոսւուկես ամսվա ամենացածր մակարդակին։ «Նայեք, թե բիզնեսի ինչ ծավալ ունենք։ Դոլարը հիանալի վիճակում է»։
«Ես ուզում եմ, որ այն պարզապես գտնի իր սեփական մակարդակը. սա արդար մոտեցում է»,- ավելացրել է նա։
Դոլարը նաեւ զգալիորեն թուլացել է ֆունտ սթերլինգի, հարավկորեական վոնի եւ չինական յուանի նկատմամբ, եւ չորեքշաբթի օրվա համեստ աճը քիչ բան է արել վերջին կորուստները փոխհատուցելու համար։
Վերլուծաբանները նշել են, որ Թրամփի վերջին կոշտ սակագնային հայտարարությունների վերաբերյալ մտահոգությունները, այդ թվում՝ եվրոպական երկրների նկատմամբ սպառնալիքները՝ Գրենլանդիայի պահանջներին իրենց դեմ լինելու, եւ Կանադային ուղղված նախազգուշացումը Չինաստանի հետ առեւտրային բանակցությունների վերաբերյալ, խաթարել են ԱՄՆ ակտիվների նկատմամբ վստահությունը եւ ճնշում են գործադրել դոլարի վրա։
Լրացուցիչ բացասական գործոն էր ԱՄՆ-ում սպառողական վստահության կտրուկ անկումը, որը, ըստ հարցման, իջել է 2014-ից ի վեր իր ամենացածր մակարդակին, քանի որ տնային տնտեսությունները մտահոգված են գնաճով եւ կյանքի բարձր արժեքով։
Bank of Nassau 1982 Ltd-ի փորձագետ Վին Թինը նշել է. «Արտարժույթի շուկան սովորաբար առաջինն է, որն արտացոլում է ներդրողների անհարմարավետությունը երկրի քաղաքականության եւ տնտեսական հեռանկարների վերաբերյալ, ուստի դոլարի ներկա թուլացումը պետք է լուրջ ընդունվի»։
Ասիական ֆոնդային շուկաները խառը արդյունքներ են ցույց տվել, երբ S&P 500 ինդեքսը հասել էր բոլոր ժամանակների ամենաբարձր մակարդակին, որը պայմանավորված էր տեխնոլոգիական հսկաների, այդ թվում՝ Apple-ի, Microsoft-ի եւ Amazon-ի աճով։
Սա թույլ է տվել Սեուլին կրկին գլխավորել աճը, ինդեքսը հասել է նոր ռեկորդային բարձր մակարդակի՝ միկրոսխեմաներ արտադրող Samsung-ի եւ SK Hynix-ի աճի ֆոնին։
Հոնկոնգը, Շանհայը, Թայբեյը եւ Ջակարտան նույնպես գրանցել են վստահ աճ, մինչդեռ Տոկիոն, Սիդնեյը, Սինգապուրը, Վելինգտոնը եւ Մանիլան օրն ավարտել են ցածր ցուցանիշներով։
Ներդրողներն ուշադիր հետեւում են Ուոլ Սթրիթի այսպես կոչված «հրաշալի յոթնյակի» մի քանի ընկերությունների եռամսյակային եկամուտների հաշվետվությունների հրապարակմանը. Microsoft-ը, MetaTrader-ը, Tesla-ն եւ Apple-ը պատրաստվում են հաշվետվություններ ներկայացնել այս շաբաթ։
