ԱՄՆ-ում Ադրբեջանի դեսպան Էլին Սուլեյմանովն անհանգստացած է Քիմ Քարդաշյանի քաղաքական եւ ռազմական գիտելիքներով: Այս թեման այնքան է հետաքրքրել դիվանագետին, որ նա որոշել է ամերիկյան ForeignPolicy պարբերականի համար մեկնաբանել հեռուստաաստղի գրառումը:
Լեռնային Ղարաբաղում Ադրբեջանի սանձազերծած ագրեսիայի հետեւանքով հենց ադրբեջանական բանակի բազմաթիվ կորուստների մասին մտածելու փոխարեն, նա որոշել է մեկնաբանել հեռուստաաստղի՝ հայերին սատարող գրառումը: Ավելին, Սուլեյմանովը նշել է. «Անձամբ ես շատ վատ ռեալիթի-շոուի աստղ կլինեի եւ չեմ փորձում խորամուխ լինել այն թեմաների մեջ, որոնք ինձ ծանոթ չեն: Վստահ չեմ, որ Քիմ Քարդաշյանը ռազմական եւ քաղաքական վերլուծաբան է, այդ պատճառով, հավանաբար, մենք պետք է անենք այն, ինչը մեզ մոտ ավելի լավ է ստացվում»:
Հիշեցնենք, որ ռեալիթի-շոուի հայտնի աստղ Քիմ Քարդաշյանն Instagram-ի իր էջում հայկական տանկերի լուսանկար էր հրապարակել՝ գրելով. «Աղոթում եմ Հայաստանում եւ աշխարհում գտնվող յուրաքանչյուրի համար»: #PrayForPeace հեշթեգով գրառումն ավելի քան 500 հազար մարդ էր հավանել:
