NEWS.am-ին հայտնի են դարձել որոշ մանրամասներ Երեւանում այսօր՝ մայիսի 25–ին, տեղի ունեցած ողբերգական դեպքի վերաբերյալ: Նախնական տեղեկություններով՝ 13–ամյա երեխան ընկերների հետ Դավիթաշենի կամրջի մոտ խաղալիս է եղել, որի ընթացքում էլ տեղի է ունեցել դեպքը։ Այս պահին դեռ դեպքի վայրում է ընկերը, որը իրավապահներին պատմում է մանրամասները։
Ավելի վաղ գրել էինք, որ Դավթաշեն կամրջից այսօր՝ մայիսի 25–ին, 13 տարեկան տղա երեխա է ցած ընկել եւ մահացել։ Այս տեղեկությունը NEWS.am–ի հետ զրույցում հաստատել են ոստիկանության լրատվական ծառայությունից։ Այս պահին դեպքի վայրում են պատկան մարմինները։ Դեռ հայտնի չէ՝ ինչ հանգամանքներում է տեղի ունեցել դեպքը։ Պարզվում են մանրամասները։