Իսրայելական ոստիկանությունը գլխավոր դատախազին խորհուրդ է տվել վարչապետ Բինյամին Նեթանյահուի դեմերկու կոռուպցիոն գործերով մեղադրանքներ ներկայացնել: Այս մասին հաղորդում է Jerusalem Post-ը:
Նեթանյահուի նկատմամբ հետաքննությունը շարունակվում է արդեն 14 ամիս, 2017 թվականի սկզբից նա մի քանի անգամ հարցաքննվել է:
Այնուամենայնիվ, ոստիկանության առաջարկությունը ուժ չունի, որոշումը պետք է ընդունի Գլխավոր դատախազությունը:
Ինչպես նշում է թերթը, առաջին գործով Նեթանյահուին կասկածում են հարուստ գործարարից իր շահերը պաշտպանելու համար նվերներ ստանալու մեջ: Երկրորդ գործով, նրան կասկածում են հրատարակիչ Առնոն Մոզեսի հետ գործարք կնքելու փորձի մեջ:
Նեթանյահուն կոռուպցիայի վերաբերյալ ոստիկանության կասկածները «անհիմն» է անվանել: