Բահրեյնում իրավապաշտպան ակտիվիստ Նաբել Ռաջաբը դատապարտվել է 5 տարվա ազատազրկման Twitter-ում կառավարությանը քննադատելու համար, հաղորդում է MiddleEasteye-ը:
2011-ին Բահրեյնում բողոքի ցույցերի ժամանակ Ռաջաբը առաջատար անձանցից էր: Ներկայումս նա բանտարկվել է Բահրեյնի իշխանությունների մասին «կեղծ հայտարարությունների» համար: Մասնավորապես, 2015-ին տված հարցազրույցում Ռաջաբը հայտարարել է երկրում քաղբանտարկյալների առկայության մասին, որոնց խոշտանգում են: