«Լիդիան Արմենիա»-ի աշխատակիցները փակել են դեպի Ջերմուկ բարձրացող ճանապարհը՝ պահանջելով թույլ տալ շարունակել հանքում իրենց աշխատանքները: Այս մասին NEWS.am-ի հետ զրույցում ասաց «Ջերմուկի զարգացման կենտրոն» ՀԿ նախագահ Վազգեն Գալստյանը:
«Արդեն մեկ շաբաթ է, ինչ փակ է Ամուլսար տանող բոլոր ճանապարհները, սակայն այսօր հանքի աշխատողներն են բողոքի դուրս եկել եւ փակել են Ջերմուկ տանող ճանապարհը եւ նույնիսկ Ջերմուկ գնացող մեքենայի ապակին են կոտրել»,-ասաց նա:
Նա նշեց, որ իրենք այնքան են շարունակելու բողոքի ակցիաները մինչեւ հանքը փակվի:
Հիշեցնենք, որ տեղի բնակիչները դեմ են Ամուլսարի հանքի աշխատանքներին ու արդեն 7 օր շարունակ փակ են պահում դեպի սար տանող բոլոր հողային ճանապարները:
