News
Լրահոս
News
Շաբաթ
Մայիս 28
USD
448.18
EUR
479.46
RUB
6.83
Տեսնել լրահոսը

ԱՄՆ կառավարությանն առընթեր Արտասահմանում մասնավոր կապիտալ ներդրումների կորպորացիայի (OPIC) գործադիր փոխնախագահ Դեյվիդ Բոհիգյանը մի շարք այլ պաշտոնյաների ուղեկցությամբ ժամանել է Երեւան՝ ամերիկյան ներդրումները Հայաստանում խթանելու նպատակով:

Հայաստանում ԱՄՆ դեսպանատան մամուլի ծառայությունից հայտնում են, որ պատվիրակությունը հանդիպումներ ունեցավ բարձրաստիճան պետական պաշտոնյաների հետ, տեղում գործող ամերիկյան առաջատար բիզնեսների ներկայացուցիչների եւ OPIC-ի շահառուների հետ: Սա Կովկասում ամերիկյան ներդրումների խթանման, գործընկերությունների ամրապնդման եւ տնտեսական աճի ու կայունության հանգեցնող գործարար կապերի խորացման հնարավորություններ գտնելուն ուղղված տարածաշրջանային այցի առաջին կանգառն էր:

Բոհիգյանը նաեւ ելույթ ունեցավ Gazelle Fund-ի հայաստանյան ծրագրի մեկնարկն ազդարարող միջոցառման ժամանակ: Gazelle Fund-ը OPIC-ի աջակցությամբ գործող ներդրումային հիմնադրամ է, որը կոմերցիոն տեսանկյունից կենսունակ փոքր ու միջին ձեռնարկություններում (հիմնականում՝ գյուղատնտեսության ու թեթեւ արդյունաբերության ոլորտից) ապահովում է աճին եւ ընդլայնմանն ուղղված ներդրումներ: Վարկային ծրագրի դրամական հոսքերի օգտագործմամբ, որոնք սկզբնապես ֆինանսավորվել են ԱՄՆ ՄԶԳ վարկային ծրագրով, Gazelle Fund-ը լրացնում է այն բացը, որ կա արագ աճող փոքր ձեռնարկությունների ընդլայնումը ֆինանսավորելու ասպարեզում: Այս արագ աճող ընկերությունները, որոնք հայտնի են նաեւ գազել անվամբ, Gazelle Fund-ի օգնությամբ ստանում են վարկեր կամ կապիտալ ներդրումներ՝ ոչ մեծ գրավի ապահովմամբ, ինչը խթան է հանդիսանում մասնավոր հատվածի աճի եւ մասնավոր հատվածում աշխատատեղերի ձեւավորման համար: Հայաստանից զատ Gazelle Fund-ը նաեւ գործում է Վրաստանում, Ղրղզստանում եւ Մոլդովայում:

«OPIC-ի աջակցությունը առանցքային նշանակություն ունի տեղական շուկաներում համարժեք ֆինանսական միջոցների հասանելիության բացակայությամբ պայմանավորված խոչընդոտները հաղթահարելու հարցում: Անչափ ուրախ եմ տեսնել, որ Gazelle Fund-ը եւ ամերիկյան ներդրողները Հայաստան են բերում իրենց ներդրումներն ու բիզնես արժեքները, որոնք կօգնեն փոքր ու միջին ձեռնարկությունների զարգացմանը, ինչը դինամիկ, բազմազան եւ առողջ տնտեսության համար խիստ կարեւոր է», -ասաց պ-ն Բոհիգյանը:

OPIC-ը հիմնադրվել է 1974թ. եւ այդ ժամանակվանից ի վեր 88 միլիոն ԱՄՆ դոլարի ֆինանսավորում ու ապահովագրություն է ապահովել Հայաստանի հետ կապված 14 ծրագրերի շրջանակում, որոնք ուղղված էին մի շարք ոլորտների, այդ թվում՝ զբոսաշրջության եւ ֆինանսական ծառայությունների ոլորտներին: Այս պահին Կովկասում OPIC-ի ներդրումների ընդհանուր գումարը կազմում է շուրջ 168 միլիոն ԱՄՆ դոլար:

Երեւանում պ-ն Բոհիգյանը նաեւ հանդիպեց Հայ-ամերիկյան առեւտրային պալատի խորհրդի անդամներին, Ինովացիոն լուծումների եւ տեխնոլոգիաների կենտրոնի (հանրային-մասնավոր գործընկերություն ԱՄՆ ՄԶԳ-ի եւ IBM-ի միջեւ) ներկայացուցիչներին եւ OPIC-ի օգնությամբ միջին ու ցածր եկամուտների տեր վարկառուներին հիփոթեքային վարկեր ստանալու հնարավորություն ընձեռած Առաջին հիփոթեքային ընկերության շահառուներին:

OPIC-ը ամերիկյան պետական ֆինանսական հաստատություն է, որն աջակցում է զարգացմանը: Ազգային անվտանգության իր ռազմավարությամբ նախագահ Թրամփը շեշտեց զարգացման ֆինանսավորման հարցում ԱՄՆ կառավարության մոտեցումների արդիականացման կարեւորությունը՝ օգնելու մեր գործընկերների աճին, խթանելու տնտեսական գործընկերությունները եւ մեծացնելու ներդրումներն այն տարածաշրջաններում, որոնք ամերիկյան շահերի տեսանկյունից կարեւորվում են:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
ՀՀ–ում ԱՄՆ դեսպան Լին Թրեյսին իր ազգականների հետ այցելել է Վայոց Ձոր և Սյունիք (ֆոտո)
Դեսպանը նրանց ներկայացրել է Հայաստանի անզուգական ճարտարապետական կոթողները ․․․
Վարչապետն ընդունել է Հայաստանում ԱՄՆ դեսպանին եւ կարեւորել ԱՄՆ դիրքորոշումը ԼՂ հիմնախնդրի լուծման հարցում
Զրուցակիցները մտքեր են փոխանակել հայ-ամերիկյան հարաբերությունների օրակարգի շուրջ…
Այս ամենը ԱԳՆ-ն չի հերքել, բայց 30 րոպե ուշանալու փաստը հերքել է. Սուրեն Սարգսյան
Հարաբերությունների հաստատման 30 ամյակը լուրջ առիթ էր՝ օրակարգը վերաիմաստավորելու և թարմացնելու համար, ինչը չարվեց…
ՀՀ քաղաքացիները կարող են մուլտիմեդիա լրագրության մագիստրոսական ծրագրով ուսանել Վրաստանում. ԱՄՆ դեսպանություն
Սա ԱՄՆ պետքարտուղարության ֆինանսավորմամբ իրականացվող Ժուռնալիստիկայի և մեդիա կառավարման կովկասյան դպրոցի ծրագիրն է...
Կարևոր եմ համարում այս պահին ընդգծել ԼՂ բնակչության դերակատարությունն իր ապագան որոշելու հարցում. ԱՄՆ դեսպան
Սա պետք է որոշվի Լեռնային Ղարաբաղի ժողովրդի և այլ կողմերի միջև հետագա բանակցությունների ընթացքում...
Գլոբալ առումով, Արարատ Միրզոյանի վաշինգտոնյան այցը ֆիասկո էր. Սուրեն Սարգսյան
Ամենաշատ