News
Լրահոս
News
Ուրբաթ
Սեպտեմբեր 21
Տեսնել լրահոսը

ՀՀ երկրորդ նախագահ Ռոբերտ Քոչարյանին կրկնակի կալանավորման դեպքում պաշտպանական կողմը դիմելու է Մարդու իրավունքների եվրոպական դատարան (ՄԻԵԴ): Այս մասին այսօր՝ օգոստոսի 16-ին, լրագրողներին ասաց երկրորդ նախագահի շահերի պաշտպան Հայկ Ալումյանը:

«Չեմ կարող կանխատեսել՝ Վճռաբեկ դատարանի որոշումն ինչպիսին կլինի, բայց եթե Վճռաբեկ դատարանը որոշի կալանավորել Ռոբերտ Քոչարյանին, ապա մենք Եվրոպական դատարան կդիմենք», - ասաց փաստաբանը:

Փաստաբանը հայտնեց, որ անձեռնմխելիությունից բացի, իրենք  եւս 2 հիմքեր էին ներկայացրել  Վերաքննիչ դատարան 2-րդ նախագահի խափանման միջոցը փոխելու համար. «Մյուս երկու հիմքերը ոչ պակաս կարեւոր են եւ դրա համար մենք բողոք ենք ներկայացնելու ՀՀ Վճռաբեկ դատարան, որովհետեւ մեզ համար կարեւոր է, որ այդ երկու հիմքերն էլ մեկնաբանվեն: Դրանցից մեկին ես չեմ կարող անդրադառնալ առանց նախաքննական գաղտնիքը շոշափելու, դրա համար չեմ անդրադառնա, իսկ մյուսը հետեւյալն է` հայտարարել, որ մարտի 1-ին նախագահի կողմից հայտարարված արտակարգ դրությունը եղել է հակաօրինական, հակասահմանադրական, ՀՔԾ-ն եւ առաջին ատյանի դատարանը իրավունք չունեին, քանի որ նախագահի հրամանագիրը կարող է ապօրինի ճանաչվել  կամ այդպիսի գնահատական ստանալ միայն Սահմանադրական դատարանի որոշմամբ: Սա նույնպես մեր բողոքի հիմքերից մեկն է, որը ոչ պակաս կարեւոր է»:

Նշենք, որ ՀՀ երկրորդ նախագահ Ռոբերտ Քոչարյանին մեղադրանք էր առաջադրվել Մարտի 1-ի գործի շրջանակում՝ երկրի սահմանադրական կարգը տապալելու համար:

Հիշեցնենք, որ Վերաքննիչ դատարանն օգոստոսի 13-ին վերացրել էր Ռոբերտ Քոչարյանի խափանման միջոց կալանքն ու նրան նիստերի դահլիճից ազատ արձակել՝ հաշվի առնելով, որ նա անձեռնմխելի է:

Այնուհետեւ Ռոբերտ Քոչարյանի կողմից  հրավիրված մամուլի ասուլիսը տապալվեց մի խումբ ցուցարարների կողմից:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հայաստանում անհրաժեշտ է կիրառել անցումային արդարադատություն. ՀԱԿ հայտարարությունը
ՄԻԵԴ-ի որոշումներով ապացուցվել է, որ Հայաստանի արդարադատության համակարգը կայացրել է բազմաթիվ...
Յուրի Խաչատուրովին փոխարինելու հարցով կոնսուլտացիաները շարունակվում են. Զոհրաբ Մնացականյան
Հարցին՝ հնարավո՞ր է՝ Հայաստանը զրկվի գլխավոր քարտուղարի պաշտոնում իր ներկայացուցչին առաջադրելու հնարավորությունից...
ՄԻԵԴ-ն որոշում է կայացրել Մուշեղ Սաղաթելյանն ընդդեմ Հայաստանի գործով
ՄԻԵԴ-ն միաձայն հաստատել է, որ Մարդու իրավունքների եվրոպական կոնվենցիայի 3-րդ հոդվածի երկու խախտում է տեղի ունեցել…
ՀԱՊԿ շտաբի պետն իրավասու չէ մեկնաբանելու Յուրի Խաչատուրովի հարցը
Իրավասու չեմ ընդհանրապես մեկնաբանելու…
Քոչարյանը մարտի 1-ի մասին. Պատասխանատվություն են կրում նրանք, ովքեր արմատականացրել էին իրավիճակը
«Մենք հասարակութայնը չենք բաժանում: Ես խոսում եմ կոնկրետ քաղաքական գործիչների մասին...
Կոստանյանը կասկածում է Քոչարյանի գործով դատախազական պատշաճ հսկողությանը
ՀՀ Սահմանադրությամբ նախաքննության եւ հետաքննության օրինականության նկատմամբ հսկողությունն իրականացվում է դատախազության կողմից, այսինքն՝ դատախազությունն այն սահմանադրական մարմինն է...
Ամենաշատ
Partner news