News
Լրահոս
News
Երկուշաբթի
Հունիս 01
USD
483.91
EUR
533.66
RUB
6.83
ME-USD
0.03
Տեսնել լրահոսը

Լյուքս դասի արտադրանք արտադրողները 2020 թվականին կորոնավիրուսի բռնկման պատճառով կզրկվեն ավելի քան 100 մլրդ եվրոյից: Միջազգային քոնսալթինգային Boston Consulting Group ընկերության հաշվետվությունը պատրաստվել է Altagamma-ի եւ AB Bernstein-ի հետ միասին ու հիմնված է շքեղության ինդուստրիայի ֆիրմաների ղեկավարության շրջանում անցկացված հարցման վրա, փոխանցում է ՌԲԿ-ն:

Փորձագետները կանխատեսում են, որ համավարակը ապրանքանիշներին սպառնում է ավելի լուրջ վնասով, քան ենթադրվում էր այս տարվա փետրվարին: Մասնավորապես՝ չպահանջված պրեմիումային ապրանքների քանակությունը պահեստներում կկազմի 105 մլն միավոր, իսկ կորուստների ընդհանուր գումարը հավասար կլինի 105 մլրդ եվրոյի: Մասնագետները նշում են, որ այսպիսով՝ շուկան կվերադառնա 2011 թվականի մակարդակին, երբ ծավալը հավասար էր 250 մլրդ եվրոյի:

2019 թվականի արդյունքներով՝ նորաձեւ լյուքսային արտադրանքի հատվածը գնահատվում էր 350 մլրդ եվրո: 2020 թվականի ընթացքում վաճառքը կնվազի մինչեւ 245 մլրդ եվրո՝ նախորդ տարվա համեմատությամբ 30 տոկոսով քիչ:

Ավելի վաղ կարծիք կար, որ չվաճառված ապրանքներից կորուստները կկազմեն ընդամենը 70-90 մլրդ եվրո:

Ներկայումս հարցված ընկերությունների ղեկավարների եւ ֆինանսական տնօրենների գրեթե կեսը կարծում է, որ կորոնավիրուսի բացասական հետեւանքները շարունակվելու են եւս 6-12 ամիս: Մինչ այս, այդպիսի ենթադրություններ էր կատարում միայն շուկայի մասնակիցների երրորդ մասը:

Փետրվարին ամերիկյան հանրահայտ Nike սպորտային ապրանքանիշը կորոնավիրուսի պատճառով կորցրել էր 17 մլրդ դոլարի շահույթ: Փետրվարի սկզբին COVID-2019 հիվանդության տարածման հետ կապված ընկերությունը Չինաստանում փակել էր խանութների կեսը, չնայած վաճառքի 18 տոկոսը բաժին է ընկնում հենց այս երկրին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Աբու Դաբին սահմանում է տեղաշարժման արգելք իր հիմնական քաղաքների միջեւ
Սահմանափակումները, որոնք մտցվում են կորոնավիրուսի տարածման դեմ պայքարի շրջանակում, վերաբերում են նաեւ ընդհանուր առմամբ ամբողջ էմիրատին․․․
Գիտնականները պարզել են Եվրոպայում կորոնավիրուսի ներթափանցման մոտավոր ամսաթիվը
Այժմ բժիշկ Շմիթն իր թիմի հետ միասին ուսումնասիրում է 2019 թվականի հոկտեմբերին արված նկարները՝ փորձելով պարզել զրոյական պացիենտին․․․
Մայիսի 31-ի դրությամբ Գեղարքունիքի մարզում հաստատվել է կորոնավիրուսային հիվանդության 33 նոր դեպք
Այսպիսով մարզում ընդհանուր ունենք 528 հաստատված…
Ոստիկանությունը արտակարգ ծառայություն է իրականացնում Սեւանում
Ոստիկանները հսկում են, թե արդյոք վարորդները պահպանում են բոլոր կանոնները…
Երուսաղեմում հավատացյալների համար բացվել է ալ-Աքսա մզկիթը
«Երուսաղեմում ալ-Աքսա մզկիթը բացվել է այսօր լուսադեմին «Վաքֆ» մահմեդական սրբատեղիների գործերով վարչության կողմից կորոնավիրուսի պատճառով 70 օր փակ լինելուց հետո»․․․
ԱԱՏՄ անակնկալ ստուգայցերով շարունակում են անվտանգության կանոնների խախտումներ արձանագրվել
Տնտեսվարողների կողմից անվտանգության կանոնների խախտումները հիմնականում նույնն…
Ամենաշատ