News
Լրահոս
News
Երեքշաբթի
Ապրիլ 16
Տեսնել լրահոսը

Արդեն երկու տարի է, ինչ Հայաստանում եմ։ UWC Dilijan միջազգային գիշերօթիկ դպրոցում սովորելն ինձ թույլ տվեց ծանոթանալ եւ անմիջականորեն շփվել այլ երկրների եւ ժողովուրդների, այդ թվում՝ Հայաստանի մշակույթի, կենցաղի հետ: Այս մասին ապրիլի 3-ին UWC Dilijan միջազգային գիշերօթիկ դպրոցի ուսանող-շրջանավարտների տեսողական արվեստի ամենամյա ցուցահանդեսում լրագրողների հետ զրույցում ասաց շրջանավարտներից մեկը՝ Ծագող արեւի երկրի ներկայացուցիչ Միսակի Մոտոհաշին։

Նման փոխազդեցությունը, ըստ երիտասարդ ուսանողուհու, էապես ընդլայնել է իր մտահորիզոնը, քանի որ Ճապոնիան բավականին պահպանողական երկիր է։

«Ես դարձա ավելի բաց եւ շփվող: Հատկապես մշակութային առումով։ Ինձ համար՝ որպես մարդու, սա շատ էական փոխակերպում է, եւ ես այն շատ դրական եմ համարում»,- ասել է Մոտոհաշին։

UWC Dilijan-ի շրջանավարտի աշխատանքները հիմնականում վերաբերում են Ճապոնիայում եւ մասնավորապես ճապոնական մշակույթում կանանց իրավունքներին ու տեղին: Այսպես, ամենաուշագրավ ու աչքի ընկնող «ցուցանմուշներից» էր ավանդական սպիտակ կիմոնոն, որը Մոտոհաշին իր հետ բերել է հեռավոր հայրենիքից։ Նա խնամքով պահպանել է այն՝ ներկայացնելով հաճելիորեն զարմացած հայ հասարակությանը։

!
Այս նյութը հասանելի է նաև   Русский
Տպել
Ամենաշատ