Բրիտանուհին ամուսնուն ժամով վարձով է տալիս այլ կանանց, գրում է LADBible-ը։ Ծառայությունը պահանջարկ ունի, իսկ տղամարդն ինքը ուրախ է օգնել միայնակներին կենցաղային հարցերում։
Լորա Յանգը ժամը 46 դոլարով վարձով է տալիս ամուսնուն՝ Ջեյմսին: Կնոջ խոսքով՝ ամուսինը իսկական վարպետ է՝ ձեռքի աշխատանքի, շինարարության եւ կենցաղային այլ հարցերում. Այս առաջարկի պահանջարկը, պարզվել է, այնքան մեծ է, որ բրիտանացին ամեն օր ութ ժամ աշխատում է։
«Երբեք չէի կարծի, որ այսպես կլինի: Մենք նույնիսկ ստիպված ենք հրաժարվել որոշ պատվերներից»,- խոստովանել է Լորան:
Բացի այդ, Ջեյմսի գրաֆիկը կազմված է մեկ ամիս առաջ, ինչը միայն հաստատում է նրա պահանջարկը միայնակ կանանց շրջանում։
«Ընդհանրապես, մենք մեր ծրագրերն ունենք, բայց ոչ մի կերպ չենք կարողանում դրանք իրականացնել, քանի որ հիմա միշտ զբաղված ենք»,- շարունակում է Յանգը։
Մինչ Ջեյմսը պատվերների մեջ է, Լորան ակտիվորեն զարգացնում է նրա սոցիալական ցանցերը, վարում է կայքը եւ գրանցում հաճախորդներին:
«Նա իսկապես լավ շինարար է։ Նա շատ մեթոդական միտք ունի եւ կարող է ոչ ստանդարտ մտածել։ Նա իրերն այլ կերպ է տեսնում»,- գովել է բրիտանուհին ամուսնուն:
