Աշխարհի ամենաբարձրահասակ կինն առաջին անգամ կարողացել է թռչել ինքնաթիռով այն բանից հետո, երբ ավիաընկերությունը նրա համար հանել է էկոնոմ դասի վեց նստարան։
Ռումեյսա Գելգին, ում հասակը 2 մ 43 սմ է, անցյալ տարի Գինեսի ռեկորդների գրքի կողմից աշխարհի ամենաբարձրահասակ կին է ճանաչվել։
Թուրքական ավիաուղիները, հանելով վեց նստարան եւ դրանք փոխարինելով հատուկ պատգարակներով, հարմարեցրել է իր ինքնաթիռներից մեկը, որպեսզի նա կարողանա սեպտեմբերին թռչել Սան Ֆրանցիսկո եւ կարողանա ճանապարհորդել 13-ժամ, հայտնում է MailOnline-ը։
24-ամյա Գելգին նախկինում երբեք չի կարողացել ինքնաթիռով թռչել իր հասակի պատճառով, որը պայմանավորված է Ուիվերի համախտանիշ կոչվող վիճակով, որը, ի թիվս այլ բաների, առաջացնում է ոսկրերի աճ: Հրատարակության տվյալներով՝ նա նույնիսկ մանուկ հասակում չափազանց մեծ է եղել, որպեսզի տեղավորվի ինքնաթիռի նստարանին։
Իր վիճակի պատճառով նա սովորաբար անվասայլակ կամ «ճռիկ» է օգտագործում:
Գելգին կանանց շրջանում նաեւ ռեկորդակիր է աշխարհում ամենամեծ ձեռքերով, ամենաերկար մատներով եւ ամենաերկար մեջքով:
