նախընտրելի դարձնել«Sukhoi Superjet-100»-ի ստարտային պատվիրատու «Արմավիա»-ի կողմից երկու օդանավերի վերադարձի հետ կապված սկանդալը շարունակում է զարգանալ, բայց արդեն առանց հայկական ավիափոխադրողի: «Սոխոյ քաղաքացիական Ինքնաթիռների» (ՍՔԻ) ներկայացուցիչը սպառնացել է դատի տալ ավիափոխադրողին, եթե վերջինս օդանավերը ձեռք բերելու համար իր պարտքերը չմարի: «Արմավիա»-ից փողերը պատրասվում է պահանջել «Վնեշէկոնոմբանկը», որը մասնակցություն է ունեցել օդանավերի ձեռքբերման վերաֆինսավորմանը:
Ինչպես գրում է «ՌԲԿ daily»-ին, «Արմավիա»-ի երկու «Superjet»-ները գտնվում են Ժուկովսկի թռիչքափորձարարական վերանորոգման բազայում այն պատճառով, որ շահագործողը չի վճարել նրանցից մեկի պլանային վերանորոգման աշխատանքերի համար, երեկ հայտնել է «Սոխոյ քաղաքացիական օդանավերի» ֆինանսական հարցերով փոխնախագահ Եվգենի Կոնկովը: Ավիաընկերությունը, ըստ նրա, «բանակցություններ չի վարում եւ ոչինչ չի վճարում»: «Պայմանագրային պարտավորությունների համաձայն` մենք բոլոր հնարավորություններն ունենք «Արմավիա»-ին տուգանքի ենթարկելու` ինչպես առաջին, այնպես էլ երկրորդ օդանավի համար»,-ասել Կոնկովը: Նա չի հրապարակել «Արմավիա»-ի պարտքի չափը` նշելով, որ հայկական փոխադրողի համար, «հաշվի առնելով նրա ֆինանսական վիճակը, դրա չափերն էական կլինեն»:
Սակայն ՍՔԻ-ն չի կարող ավիաընկերությունից ետ վերցնել օդանավերը: «Առաջին օդանավը գրավի տակ է: Մեզ չտեղեկացնելով եւ նման իրավունք չունենալով` «Արմավիա»-ն օդանավը գրավադրել է հայկական բանկերից մեկում: Ինքնաթիռը հնարավոր է վերադարձնել երկու ճանապարհով` դատարանի միջոցով եւ մինչդատական կարգով»,-նշեց Եվգենի Կոնկովը: Նրա խոսքով` հայկական ավիափոխադրողին դատի տալը մեծ դժվարություն չի առաջացնի, քանի որ «պայմանագիրը ռուսաստանյան իրավունքի հիման վրա է կնքված»:
Ոչ պաշտոնական տվյալներով` առաջին սերիական օդանավը գրավադրված է «Արդշինիբնվեստ» բանկում, որից «Արմավիա»-ին 1,2 մլն դոլար է պարտք վերցերել:
Միաժամանկ` ՍՔԻ-ն եւ ՎԷԲ-ը պատրաստ են եղել օգնել «Արմավիա»-ին եւ մտածել են ավիաընկերության պարտքի վերաֆինասավորման սխեմա: «Դա վարկային-լիզինգային սխեմա էր: «Արմավիա»-ի ֆինանսական վիճակը հեռու է իդեալական լինելուց, բայց մենք պատրաստ էինք ութ տարով 40 մլն դոլարի վարկ տրամադրել` երկու օդանավերի առաքման ֆիանսավորման համար»,- ասել է Վնեշէկոնոմբանկի փոխնախագահ Ալեքսանդր Իվանովը: Նրա խոսքով` օդանավերը ծրագրվում էր գրավից դուրս բերել եւ վերագրանցել Նիդեռլանդներում: Այդ գործարքի իրականացման համար ներգրավելլ էին հեղինակավար խորհրդատուներ:
Սակայն «Արմավիա»-ն հրաժարվել էր այս գործարքից եւ օգոստոսի սկզբին հայտարարել էր նախապես պատվիրած օդանավերից հրաժարվելու մասին ` դժգոհելով դրանց շահագործման տնտեսապես անարդյունավետությունից: Միաժամանակ ավիփոխադրողը հայատարարել էր, թե ինքը պարտքեր չունի «Սուխոյին»: Այս շաբաթվա սկզբին վարչապետ Դմիտրի Մեդվեդեւը ՌԴ արտաքին գործերի, առեւտրի եւ արդյունբերության նախարարություններին եւ Միավորված ավիաշինարարական կորպորացիային հանձնարարել էր մինչեւ սեպտեմբերի 15-ը խնդիրը կարգավորել:
