նախընտրելի դարձնել
Քալիֆորնիական Գլենդել քաղաքի բնակիչ հայը, ինչպես նաեւ նրա եղբայրն ու ընկերը իրենց մեղավոր չեն ճանաչում կյանքի ապահովագրման դիմաց ապահովագրական վճար ստանալու նպատակով նախկին ընկերոջ բռնության հետեւանքով կանխամտածված սպանության մեջ:
Ինչպես գրում է «Glendale News-Press»-ը, 34-ամյա Հովհաննես Մասկովյանը, նրա 29-ամյա եղբայր Խաչիկ Մասկովյանը եւ 19-ամյա Նազարեթ Բայամջյանը առանց գրավի դիմաց ազատ արձակվելու իրավունքի շարունակում են կալանավորված մնալ՝ կապված Գլենդելի բնակիչ 33-ամյա Ջոշուա Ուեսթի սպանության հետ: Երեք տղամարդկանց մեղադրում են սպանության եւ Ուեսթի առեւանգման փորձի մեջ, ում ծեծի են ենթարկել, կրակել նրա վրա, ապա վրաերթի ենթարկել, արդյունքում էլ նա մահացել է:Դատախազները նույնիսկ պնդում են, որ երեքն էլ դարանակալել են, գումարի համար սպանություն գործել եւ Ուեսթին սպանել են առեւանգման փորձի ժամանակ: Դատախազության տվյալներով, երեքը միասին են ծրագրել այդ սպանությունը:
Մեղադրյալները հոկտեմբերի 29-ին կկանգնեն Սան-Ֆրանցիսկոյում Լոս-Անջելեսի շրջանային առաջին ատյանի գլխավոր դատարանի առաջ՝ նախնական լսումների օրը նշանակելու համար:Հիշեցնենք, որ ավելի վաղ Լոս-Անջելեսի շրջանային առաջին ատյանի գլխավոր դատարանում առեւանգման փորձի ու սպանութայն մեղադրանք էր ներկայացվել 34-ամյա գլենդելահայ Հովհաննես Մասկովյանին, որ ծրագրել էր իր նախկին համասեռամոլ ընկերոջ սպանությունը՝ կյանքի ապահովագրման դիմաց ապահովագրական վճար ստանալու նպատակով:Նախապես դատախազները 29-ամյա Խաչիկ Մասկովյանին էին մեղադրում ծանրացուցիչ հանգամանքներում Ուեստի սպանության գործում: Ըստ նրանց վերջինս Ուեստին առեւանգել եւ սպանել էր, քանի որ նա եղել է համասեռամոլ:
Սակայն շրջանային դատախազի գրասենյակը փոխեց մեղադրանքը` հերքելով ատելության հողի վրա կատարված հանցագործության փատսը:Հաղորդվում է, որ Հովհաննես Մկրտչյանը մոտ 7 տարի հանդիպել է 33-ամյա Ուեսթի հետ: Երբ նրանք դեկտեմբերին բաժանվել են, այնուամենայնիվ շարունակել են ապրել գլենդելյան իրենց նույն բնակարանում, սակայն, ըստ երեւույթին քնում էին տարբեր ննջասենյակներում: Սպանվածի հայրը պատմել է, որ Հովհաննես Մասկովյանը որդու մահվանից մի քանի օր անց զանգահարել է եւ շատ շփոթված է եղել:
