NEWS.am-ի «Ամանորյա բլիցի» հարցերին պատասխանում է Ազգային ժողովի Հանրապետական խմբակցության պատգամավոր Արփինե Հովհաննիսյանը:

Որտե՞ղ եք անցկացնելու Ամանորը եւ ո՞ւմ հետ:

Տանը, ընտանիքիս հետ

Նոր տարվա սեղանին ձեր ամենասիրելի ուտեստը:

Թփով տոլմա:

Ամանորի գիշերը Ձմեռ պապի կերպարով ո՞ւմ կցանկանայիք տեսնել ձեր տանը:

Իկեր Կասիլյասին:

Ամանորին ամենաշատ ժամանակը ծախսում եք նվերներ գնելու, ուտեստներ պատրաստելու, թե՞ ձեր հագուկապը որոշելու վրա:

Ամենաքիչը ուտեստներ պատրաստելու(ծիծաղում է-հեղ):

Ամանորի գիշերը հանրությանը հայտնի մարդկանցից առաջինը ո՞ւմ եք զանգում:

Չեմ ասի: Առաջինը միշտ շնորհավորում եմ ընկերներիս ու հարազատներիս:

Քանի՞ շիշ կարող եք խմել:

Ավելի լավ է հարցնեիք՝ քանի բաժակ կարող եք խմել: Հիմա առիթը օգտագործելով ուզում եմ խոստովանել: Ես խմել չգիտեմ, չեմ էլ սիրում:

Ամանորին քանի՞ կգ եք ավելանում:

Մինչև 1, ինձ տանը սոված են պահում: 

Ամանորյա ձեր ծախսերը ձեր քանի՞ ամսվա աշխատավարձն է կազմում:

Չեմ հաշվել:

Եթե ձեր ցանկությունը իրականացնելու համար Ձմեռ պապը պահանջեր, որ երգեիք, ինչ կերգեիք:

Այսքանից հետո դեռ պիտի երգե՞մ էլ, ես այնքան վատ եմ երգում, որ Ձմեռ պապը կխնդրեր, որ ես չերգեի:

Ինգա Մարտինյան