նախընտրելի դարձնել
Հայաստանի Կառավարության ծրագրի կարեւորագույն թիրախը մենք նշել ենք արտագաղթի խնդիրը՝ որպես լրջագույն պրոբլեմ, գործազրկություն, աղքատություն, արտագաղթ, սրանք լրջագույն մարտահրավերներ են, որոնք կանգնած են կառավարության առջեւ։ Այս մասին այսօր՝ դեկտեմբերի 27-ին, լրագրողների հետ հանդիպմանն ասաց Հայաստանի վարչապետ Տիգրան Սարգսյանը՝ պատասխանելով հարցին, թե ձեր եւ Սերժ Սարգսյանի պաշտոնավարումից սկսած երկիրը տարեկան լքում է տարեկան 50-60 հազար մարդ, եւ արդյոք չեք տեսնում մեղքի բաժինը։
Նա նշեց, որ այս խնդիրները լուծելու համար պետք է իրականացնել ռեֆորմներ, ինչը իրականացնելը հեշտ չէ, որովհետեւ ռեֆորմը վարքագծային կանոնների փոփոխությունն է։ Վարչապետի խոսքով՝ փոփոփություններ կատարելը հեշտ չէ եւ մենք պետք է կարողանանք մեր երկրում ավելացնել ռեֆորմների պոտենցիան, որպեսզի ունենանք հաջողություններ։
«Իմ ցանկությունն է, որ ռեֆորմների իմաստը, փիլիսոփայությունը, մեր գաղափարներըլ, ինչպես ենք մտածում ռեֆորմներ իրականացնելիս, ԶԼՄ-ները ներկայացնեն հանրությանը՝ իհարկե քննադատելով այն դրույթները, որոնց հետ համաձայն չեն, սա է ճիշտ ճանապարհը։ Շատ վտանգավոր է, երբ մեր գաղափարները չեն ներկայացվում, ներկայացվում են դրա սուբյեկտիվ ընկալումները եւ քննադատությունը,պետք է կենսամակարդակը բարձրացնենք, որ մարդիկ կարողանան իրենց տաղանդը, շնորհը իրացնել Հայաստանում։ Պետք է ստեղծենք այնպիսի միջավայր, որ մարդիկ իրենց ապագան կապեն Հայաստանի հետ։ Իհարկե, արդարացի է քննադատությունը մեր հասցեին, մենք մեզ զգում ենք պատասխանատու այդ գործում, պատրաստ ենք լսելու քննադատությունը, իսկ երկխոսությունից կշահի հասարակությունը, երկիրը, մարդիկ կտեսնեն այլընտրանք»,- ասաց Տիգրան Սարգսյանը։
