Հայաստանի շախմատի ակադեմիա կատարած այցի ընթացքում Երեւանի քաղաքապետ Տարոն Մարգարյանը ակադեմիայի տնօրեն, Երեւանի ավագանու անդամ Սմբատ Լպուտյանի ուղեկցությամբ հետեւել է ակադեմիայում հունվարի 8-15-ն անցկացվող ՀՀ երջանկահիշատակ վարչապետ Անդրանիկ Մարգարյանին նվիրված հուշամրցաշարի ընթացքին:

Երեւանի քաղաքապետարանի տեղեկատվության եւ հասարակայնության հետ կապերի վարչությունից հայտնում են, թե շվեյցարական մրցակարգով անցկացվող արդեն ավանդական դարձած հուշամրցաշարին մասնակցում են 8-18 տարեկան շուրջ 650 պատանի շախմատիստներ: Քաղաքապետ Տարոն Մարգարյանը շրջել եւ հետեւել է մրցաշարի ընթացքին ու հաջողություններ մաղթել մասնակիցներին: Մրցաշարի  բոլոր  հաղթողները կպարգեւատրվեն մեդալներով եւ իրավունք կստանան մասնակցելու Հայաստանի շախմատի ակադեմիայի ձմեռային հավաքներին: