Ամերիկացի  ամուսինները պնդում են, որ Ռուսաստանից իրենց որդեգրած երեխաները հոգեկան խանգարում ունեն, հայտնում է Lenta.ru-ն:

Ըստ աղբյուրի` զույգը դատարանի միջոցով փորձում է չեղյալ հայտարարել երեխաների որդեգրումը: Ամուսինները պատմել են, որ   երեխաները բազմիցս սպառնացել են սպանել իրենց:  Բացի դրանից, պարզվել է, որ երեխաները արյունակից չեն, թեպետ ամուսիններին հակառակն էին համոզել: 

2012թ.-ից, նշում է աղբյուրը, երկու երեխան էլ Նյու Յորք նահանգի հոգեբուժական կենտրոնում են:  Ամուսինների եւ որդեգրված երեխաների անունները, ինչպես նաեւ նրանց սեռը չեն բացահայտվում: 

2013 թ.-ից  Ռուսաստանում արգելվել է ԱՄՆ քաղաքացիների կողմից ռուսաստանցի երեխաների որդեգրումը: