Նախընտրելի
Մեքսիկական հասարակական կազմակերպություններից մեկի առաջնորդին մեռած են գտել Հերերո նահանգի Խալտյանգիս քաղաքում: Նա օգնում էր անհետացած 43 ուսանողների որոնումներին:
Միգել Անխել ԽիմենեսԲլանկոյի գնդակահարված մարմինը հայտնաբերվել է իրեն պատկանող տաքսիում, որը կայանված է եղել իր տան մոտ: Ենթադրաբար, նրան սպանել են օգոստոսի 8-ին, հաղորդում է BBC-ի ռուսական ծառայությունը:
Խիմենեսը մեղադրում էր իշխանություններին անգործության մեջ եւ անձամբ օգնում էր հարյուրավոր մարդկանց՝ անհետացած հարազատներին կամ նրանց մնացորդները գտնելու հարցում այդ շրջաններում, որտեղ ծաղկում է թմրամաֆիան:
Ակտիվիստը մասնակցել է Իգուալա քաղաքում հայտնաբերված զանգվածային գերեզմանների հետազոտմանը, որտեղ նախորդ տարի ուսանողների բողոքի ակցիայից հետո անհետացել էր 43 ուսանող:
Իշխանությունների վարկածով, ուսանողներին առեւանգել են կոռումպացված ոստիկանները եւ հանձնել հանցագործների ձեռքը: Կառավարական հանձնաժողովը պնդում է, որ հանցագործներն սպանել են երիտասարդներին եւ այրել մարմինները:
