նախընտրելի դարձնել
Ամերիկյան Արիզոնա նահանգում ուղղիչ հաստատությունների դեպարտամենտի ավտոբուսը վթարի է ենթարկվել:
Associated Press-ի փոխանցմամբ, տարբեր աստիճանի ծանրության վնասվածքներ են ստացել վարորդն ու մի քանի կալանավորներ:
50 կալանավորի տեղափոխող ավտոբուսը մայրուղում բախվել է բեռնատար ավտոմեքենայի, այնուհետեւ շրջվել: «Վարորդը ծանր վիրավոր է, նրան հիվանդանոց են տեղափոխել»,- տեղեկացրել է ոստիկանության ներկայացուցիչը:
Տուժածների հստակ թիվը հայտնի չէ: Ըստ ՏԱՍՍ գործակալության, մայրուղու՝ վթարի հատվածում երթեւեկությունը մասամբ վերականգնվել է:
